O Phasu yasukina ya Jezú yejikala ni valolo yadikota. Kuma wejidile kwila kwakambele kyangó phala kufwa, mwene wamesenene kubhanga o Phasu kumoxi ni jipoxolo jê ni kubokwesa o ukexilu wa ubhe wakulembalala o kufwa kwê, u twixana lelu Lembalasa ya Kufwa Kwa Jezú. Mukiki mwene watumikisa Phetele ni Nzwá phala kuyudika odixilu. (Lu 22:7-13; tala ofoto yakapa.) Kiki kitulembalesa kwila, twatokala kudipelepalala phala o Lembalasa ya kizuwa kya 27 yambeji ya Katanu. Mukidi o ilunga yasolo kyá okididi, omulongexi, andabhanga ombolo ni yó andapelepalala ovinyu ni ima yamukwa dingi. Maji, ihi itwatokala kubhanga kala muthu mudyetu phala kukala polondo phala o Lembalasa?

Bandekesa okisakidilu kyé mukufwa kwa Jezú. Tanga, xinganeka mujivelusu ja Bibidya jalungu ni Lembalasa. Utena kusanga ojivelusu jalungu ni Lembalasa mukadivulu, Tanga o Mikanda Ikôla Izuwa Yoso. Utena we kutokwesa mu Apêndice B12 da Tradução do Novo Mundo da Bíblia Sagrada. (Tala we o Ukexilu wa Ukidistá ni Ukunji Wetu wambeji ya Kasamanu ka 2020.) Omiji itena kusanga milongi yalungu ni valolo yasata yakufwa kwa Jezú phala o ubhezelu kumwiji, mukutokwesa mu Índice das Publicações da Torre de Vigia mba mu Kadivulu ka ku Tokwesa Phala o Jimbangi ja Jihova.

Exana akwenu phala kuya mu Lembalasa. Bhanga yoso i utena phala kukalakala mukubhana otumikanda twa Lembalasa. Xinganeka o athu utena kwixana, kala yó wene mwa akunda, yó exile mudilonga o Bibidya, o athu wejiya ni jindandu jé. Otufunga atokala kwixana yó azoza mu nzumbi. Lembalala kwila sayi yá katungu mu mbambe yé, utena kusanga o ola, okididi bhwandabhita o Lembalasa, mudyembu dyâ, mukuya mu jw.org mumbandu YA LUNGU N’ETU “Lembalasa.”

Ihi dingi itutena kubhanga phala kudipelepalala?