O athu azele mu nzumbi ni muxitu mba ala ni wendelu wazele, ene ngó atena kukala ni ukamba wambote ni Jihova. (1Ph 1:14-16) Kyoso o maxibulu a Bibidya kyaya ni kutolola o ifwa yayibha, ene atena kukala ni mwiji wazediwa, kukala ni sawidi yambote ni kulanga kyambote o kitadi.

Jimbulula kyambote o itumu ya Jihova yalungu ni wendelu wetu, mukonda dyahi abhana o itumu yiyi ni mbote ijila mu kwikumbidila. Dikwatenene mu kukwatekesa o maxibulu mé kulungulula o ibanzelu yâ, se ubhanga kiki, ene andalungulula o ibhangelu yâ. (Ef 4:22-24) Wa adyelelesa kwila ni kikwatekesu kya Jihova ene atena kutolola kifwa kyayibha. (Fi 4:13) U alonga kusamba kwa Jihova kyoso kyakala ni hanji yakubhanga kima kyandakwabhangesa kuta kituxi. Kwatekesawu kwijiya o jitendasá jitena kubhita ni kyebhi kyatena kujitolola. Swinisawu kubhinganesa o ifwa yayibha ni ima yambote. Sanguluka mukumona o maxibulu mé kulungulula ima kumwenyu wâ ni kikwatekesu kya Jihova.

TALA OVIDYU KWATEKESA O MAXIBULU MÉ KUTOLOLA O IFWA YA IBHA, MUKUSULUKA TAMBWIJILA O IBHWIDISU YAKAYELA:

• Kyebhi o tufunga ni Nita alondekesa kwila adyelele kwa Jade?

• Kyebhi Nita kyakwatekesa Jade?

• Kyebhi Jade kyasoto o kikwatekesu kya Jihova?