O dikamba, kifwa “muthu udikwatenena ku muthu wengi bhukaxi ka ima idivwa mba kudisuwa ni kudibhana valolo.” Mu kifika, Jonata ni Davidi amatekene mu kukala ni ukamba wambote kyoso Davidi kyajibha Ngoliya. (1Sa 18:1) Kala muthu mudyâ walondekesa idifwa ya azukamesa dingi. Mu kidi, o ukamba wambote wijila mu kwijiya kwakidi. Phala kwijiya muthu wengi kubhinga thembu ni nguzu. Maji kujiredesosyale, o athu atena kukituka makamba mukubhweta ngô lumoxi kwabhu. Kuma o athu kyoso kyakala mu internete apelepalala kyambote o ima yandazwela, ni kulanga we kyambote kyebhi o athu kyanda kwamona, mu kiki kikubhonzo phala ene kusweka se ene athu a kidifwa kyahi. Mukonda dyakiki watokola kwaluka ni kudilanga mukusola se athu akidifwa kyahi andakala makamba mé. Kana kukala ni jisonyi mba woma wakudituna muthu wakubhingi phala kubhanga ukamba ni muthu ki wamwijiya kyambote bhukaxi ka internete, kana kubanza kwila mukudituna, eye wanda kwaluwalesa. Mukonda dya ilwezu yavulu yene mumoneka, sayi athu kaxikina kukalakala ni jiredesosyale. Maji se eye usola kubokona mujiredesosyale, ihi iwatokala kwijiya?

TALA OVIDYU ALUKA: LONDEKESA UNJIMU MU KUSOLA MAKAMBA MU INTERNETE, MUKUSULUKA TAMBWIJILA O IBHWIDISU YAKAYELA:

• Ihi iwatokala kuxinganeka ande dyakuta foto mba kuzwela kima mu internete?

• Mukonda dyahi watokala kusola kyambote o makamba mê muredesosyale?

• Mukonda dyahi eye watokala kuxinda mbambe yalungu ni kithangana ki ungastala mu jiredesosyale?—Ef 5:15, 16