4-10 ya Katanu
JISÁLAMU 16-17
Mwimbu wa 111 ni Musambu | Izwelu Phala Kumateka (Kithan. 1)
1. ‘Jihova, o Fixi Yami ya Ima Yambote’
(10 ithan.)
Kubhanga ukamba ni yó amusidivila Jihova ku tu sangulukisa (Jis 16:2, 3; w18.12 23-24 §11)
Kyoso kitwejiya kwila tu makamba a Jihova, tusanguluka kyavulu (Jis 16:5, 6; w14 2/15 29 §5)
O kilangidilu kya Jihova mu nzumbi, kitubhangesa kudivwa kyambote (Jis 16:8, 9; w08-T 15/2 3 §2-3)
Kala Davidi, etu tutena kukala ni mwenyu wambote mukonda o kubheza Jihova kyene o kima kyabetakota ku mwenyu wetu.
DIBHWIDISE, ‘Kyebhi lelu o mwenyu wami wabeta dingi kota, ande dya kwijiya o kidi ndenge?’
2. Tokwesa Omilongi ya Bibidya
(10 ithan.)
-
Jis 17:8—Ihi ilombolola o kizwelu “mona dyesu”? (it-2-T 350)
-
Ihi iwadilongo mukitangelu kya Bibidya kyasemana yiyi i wamesena kuzwela ku akwenu?
3. Kitangelu Kya Bibidya
(Ithan. 4) Jis 17:1-15 (th milongi ya 5)
4. Kumateka Kuzwela ni Muthu
(Kithan. 1) NZO NI INZO. Bhana o kamukanda ka Lembalasa. (th milongi ya 11)
5. Kumateka Kuzwela ni Muthu
(Ithan. 3) NZO NI INZO. Bhana o kamukanda ka Lembalasa. Se o muthu walondekesa kwila wamesena kudilonga mba kwijiya dingi, mulondekese o vidyu Lembalala o Kufua Kua Jezú, anga mudizwelesa. (th milongi ya 9)
6. Kumateka Kuzwela ni Muthu
(Ithan. 2) KUBHANA UMBANGI KYOSO KIKUMONEKA KITHANGANA. Bhana o kamukanda ka Lembalasa. (th milongi ya 2)
7. Kubhanga Maxibulu
(Ithan. 5) lff disá 14 dimatekenu ni jipondo 1-3 (th milongi ya 6)
Mwimbu wa 20
8. Kyebhi Kitutena Kudisokejeka Phala o Lembalasa?
(15 ithan.) Mbandu ni jingivwidi.
Mukonda dya kubelesela o itumu yatubhana Jezú, twanda lembalala o kufwa kwa Jezú kya Lumingu, mu kizuwa kya 24 kya mbeji ya Katanu, ni kulembalala o maukexilu ayadi abetakota a kulondekesa o henda ku athu. (Lu 22:19; Nz 3:16; 15:13) Kyebhi ki tutena kudisokejeka phala o kithangana kiki kya katunda?
-
Kalakala kate bhwoso bhu watena mu kambanya ka kwixana o athu phala kwivwa o diskulusu dya katunda ni kuya mu Lembalasa. Soneka o majina a athu u wamesena kwa exana mu Lembalasa, bhanga yoso phala kwa exana mwene. Se o muthu watungu dikanga dya mbambe yé, bokona mu jw.org phala kwijiya o ola ni kididi bhwanda bhita o kyônge mu mbambe mwa tungu mwene
-
Mu mbeji ya Katanu ni Kasamanu, sota kubandekesa dingi o ukunji wé. O kwila utena kukalakala kala u muboki wa ithangana ni ithangana mu kubhana 15 mba 30 a ji ola?
-
Mu kizuwa kya 18 kya mbeji ya Katanu, kyanda mateka o kitangelu kya lungu ni ima yakatunda yabhiti ku mwenyu wa Jezú mu semana yê yasukina mu ixi. Eye utena kusola se ibatulu ikuxi iwanda tanga ku kizuwa, mu “Kitangelu Kya Bibidya Phala o Lembalasa ya 2024” mu difwe 6-7
-
Mu kizuwa kya Lembalasa, tala o vidyu yakatunda ya Ubhezelu ua Matina mu jw.org
-
Mu Lembalasa, tambulula kyambote yó eza mu veji yadyanga ni yó azoza mu nzumbi. Dibhakule phala kutambwijila o ibhwidisu yanda bhanga. Kunda o athu ayile mu kyônge, phala ku akwatekesa kudilonga dingi
-
Ande dya Lembalasa ni kyoso ki yandabhwa, xinganeka mu sata yakukula
Xika o VIDYU Lembalala o Kufua Kua Jezú. Mukusuluka ebhwidisa o jingivwidi:
Kyebhi kitutena kukalakala ni vidyu yiyi mu kambanya ka kubhana o kamukanda ka Lembalasa?
9. Milongi ya Bibidya mu Kilunga
(30 ithan.) bt kib. 6 §18-24, kaxa mudifwe 54
