O ibatulu 8 ni 9 dia divulu dia Matesu, i zuela ia lungu ni ukunji ua Jezú mu Ngalileia. Kioso Jezú kia sake o athu, muene ua londekesa o kutena kuê, maji o kima kia beta-o-kota kia bhangele, o kulondekesa o henda iê ku akuá ni muxima uoso.

1. Jezú ua sakele muthu ua katele uhaxi ua dibhute.—Mat 8:1-3

2. Jezú ua sakele o selevende ia kabhitangu ka masoladi.—Mat 8:5-13

   Muene ua sakele o ukou’â Phetele.—Mat 8:14, 15

   Muene ua kaiele o madimonho, o jihaxi joso ja kexile mu tala hadi ua ji sakele.—Mat 8:16, 17

3. Jezú ua kaiele madimonho akexile ni nguzu iavulu, ua a bokuesa mu kilunga kia jingulu.—Mat 8:28-32

4. Jezú ua sakele muthu uexile huhialenge.—Mat 9:1-8

   Muene ua sakele muhatu ua mu babatele mu kizuatu kiê; ua fukununa o mon’a Jailu.—Mat 9:18-26

   Muene ua sakele kifofo ni kabubu.—Mat 9:27-34

5. Jezú ua bhiti mu jimbanza ni mu jisanzala, ni kusaka o jihaxi joso ku makukata mâ ni ku mauhaxi mâ moso.—Mat 9:35, 36

Kiebhi ki ngi tena kulondekesa dingi henda ku athu a ngi kondoloka?