Yebhi o ibhidi iwene mudibhananayu kizuwa ni kizuwa? Okwila umutwameni wamwiji, wala ni ikalakalu yavulu phala kubhanga? Okwila wamusasa otwana ubheka wé, wabhingi kukalakala kyavulu phala kwadikila? Okwila umuzangala amukulokalala kujikoleka jé muxikola? Okwila kwala ni sawidi yambote mba wamudibhana ni ibhidi yakukuka? Etunyoso twala ni ibhidi. Jiphange javulu ala ni ibhidi, amoxi amudibhana ni ibhidi yavulu mu kithangana kimoxi. Maji twejiya kwila kwakambe ngo Jihova wandatubhulula mu ibhidi yoso yiyi.—2Ko 4:16-18.

Kyoso kituya ni kukingila okizuwa kya ubhulukilu wetu, kima kyambote kwijiya kwila, Jihova wamumona o ibhidi yetu. Mwene usanguluka mukonda dya ufiyele ni kukolokota kwetu. Okuhádya mwene wanda tubesowala dingi kyavulu. (Je 29:11, 12) Jezú utusuwa we. Mukudibhana ni ibhidi yetu tutena kulembalala o izwelu ya Jezú kyoso kyambe: “eme-mwène ngà kala ni enu.” (Mat 28:20) Kyoso kituxinganeka o ubhulukilu wetu kuhádya bhukaxi ka Utuminu wa Nzambi, tukolesa dingi okidyelelu ni vondadi yetu yakukolokota mu ibhidi.—Lo 8:19-21.

TALA OVIDYU, KOLOKOTA KUKAYELA O PHANGU YA JEZÚ, MUKONDA O DIZUBHILU DYA ZUKAMA!—MABESÁ A UTUMINU U TWA-NDA TAMBULA, MUKUSULUKA TAMBWIJILA O IBHWIDISU YAKAYELA:

• Kyebhi o athu kyadisandula kwa Nzambi, ni ihi yabhiti?

• Mabesá ebhi akingila kuhádya yó andakolokota mu ufiyele wâ kwa Jihova?

• Kiki kyandabhita kyebhi?

• Mabesá ebhi uwamukingila kutambula kumundu wa ubhe?