Kala kyasokejekele o akwa Izalayele, lelu Jihova usokejeka omundu wê phala kubhanga okikalakalu kyatumina mwene. Kumundu woso, ojifilyale, o ilunga, o ibuka yasidivisu yakuboka, enyoso akalakala kumoxi phala kuboka onjimbu yambote. Etu tubokela o athu oso, katé mwene kwa yó azwela dimi dyengi.—Dij 14:6, 7.

Okwila wabanze kyá kudilonga dimi dyengi phala kukwatekesa o athu kudilonga okidi? Né mwene se kiwala ni kithangana kyakudilonga dimi dimoxi, utena kudilonga ima yofele phala kubhana umbangi bhukaxi ka aplikativu JW Language. Mukubhana umbangi mudimi diwadilongo, wandasanguluka kala kyasangulukile ojiphange kuhama yadyanga, kyoso athu akwa jixi jengi kya diwana mukwivwa “o ima ya makota ya Nzambi” mu madimi mâ.—Ik 2:7-11.

TALA OVIDYU, KALA U DIKAMBA DYA JIHOVA—BOKA MUMADIMI AKWA JIXI GENGI, MUKUSULUKA TAMBWIJILA O IBHWIDISU YAKAYELA:

• O aplicativu JW Language, itena kukwatekesa mukithangana kyebhi?

• Mawukexilu ebhi alanawu o aplikativu yiyi?

• Madimi ebhi azwela o athu mumbambe yé?

• Ihi i utena kubhanga se kumoneka muthu wamesena kwivwa onjimbu ya Utuminu mudimi dyengi?—od 100-101 §39-41