Mukonda dyahi eye watokala kutangela ku jitata jé o ima iwamubanza? (Ji 23:26) Mukonda Jihova wa abhana o kikalakalu kya kukulanga ni kukwendesa. (Jis 127:3, 4) Kyanda bhonza phala ene kukukwatekesa se u aswekela o maka mé ni ima yamukutandanganyesa. Eye kiwanda katula we mbote ku misoso ya mwenyu wâ. O kwila kima kyayibha kubhaka kixinganeku kimoxi phala etu ngó? Kana, ki kima kyayibha—maji dilange phala kunganale o jitata jé, phala kaxikine mu kima kya makutu.—Ji 3:32.

Kyebhi ki utena kuzwela ni jitata jé? Sota o kithangana kyafwama phala eye ni ene kudizwelesa. Se kwamukubhonza, eye utena kwa soneka mukanda ni kuzwela-mu kyebhi kiwamudivwa. Ihi iwatokala kubhanga se ene amesena kuzwela yalungu ni maka eye ki wamesena kukizwela? Lembalala kwila ene amesena kukukwatekesa. Tala o jitata jé kala makamba, kana kala jinguma. O nguzu i ubhanga phala kudizwelesa kyambote ni jitata jé yanda kukubhekela mbote ku mwenyu wé woso—katé kudádya ni hádya!—Ji 4:10-12.

TALA OVIDYU O MWENYU WA UNZANGALA—KYEBHI KINGITENA KUZWELA NI JITATA JAMI? MUKUSULUKA TAMBWIJILA O IBHWIDISU YAKAYELA:

• Ihi yeza mu kwijiya Esther ni Partik yalungu ni ene mwene?

• Ihi i utena kudilonga mu phangu ya Jezú?

• Kyebhi o jitata jé alondekesa kwila ene akulanga?

• Itumu yebhi ya Bibidya itena kukukwatekesa kudizwelesa ni jitata jé?