Mukonda dyahi twatokala kudisokejeka ni kithangana kyasoko? Mukonda tutena kuya mu inzo yakusaka mukithangana ni mbandu se kukikingila. Kyenyiki, se ubhanga yoso phala kudisokejeka kindala, nange utena kutambula usakelu wambote se o kima kiki kibhita. Se kyene ki ubhanga eye wamulondekesa kwila uxila o mwenyu ni kitumu kya Jihova kyalungu ni manyinga.—Ik 15:28, 29

Ihi i utena kubhanga phala kudisokejeka?

• Samba anga soneka o kalata ké ka manyinga (DPA). a O aboki oso atena kubhinga o kalata ka DPA kwa phange ulanga o madivulu mukilunga ni kubhinga kakalata Cartão de Identificação, (ic-T) phala o twana twandenge

• Se eye wemita bhinga kutufunga o kamukanda Informações para gestantes (S-401-T). O kamukanda kaka katena kukukwatekesa kusola kyambote mu maka alungu ni kusaka ni manyinga, o maka enya atena kumoneka mukithangana kya divumu mba kya kuvwala

• Se kwandabhinga kukusaka ni manyinga mba kukala mu inzo yakusaka, zwela ni tufunga twa kilunga ni kithangana kyasoko anga jimbulula ku inzo yakusaka kwila eye wamesena kwila mukunji wa Jimbangi ja Jihova ukukunda

O tufunga atena kukwatekesa kyebhi? Ene atena kukukwatekesa kusoneka o kalata ka DPA. Maji, o tufunga katena kusola mu kididi kyé mu maka alungu ni kusaka né kuzwela o kibanzelu kyá. (Lo 14:12; Ng 6:5) Kyoso ki uzwela ni tufunga twa kilunga kyé kwila nange wamudibhana ni maka alungu ni manyinga, ene andaxinda ni lusolwoso ku Kibuka Kikwatekesa o Jiphange mu Ididi Yakusaka (COLIH) phala kukulanga.

Kyebhi o Kibuka Kikwatekesa o Jiphange mu Ididi Yakusaka Kya Tena Kukukwatekesa? O jiphange akalakala mu Kibuka Kikwatekesa o Jiphange mu Ididi Yakusaka a alongo kyambote phala kukwatekesa o asaki ni akwa kufundisa kutendela o kibanzelu kyetu kyalungu ni manyinga. Ene atena kudizwelesa ni asaki mu kwabhana ndunge yalungu ni ukexilu wengi wambote wakusaka sé kubhinga manyinga. Se kubhinga, ene atena kukukwatekesa kusanga musaki uxila o kibanzelu kyetu kyalungu ni kusaka sé manyinga.

TALA OVIDYU IHI IWEJI BHANGA MU MAKA ALUNGU NI KUSAKA NI MANYINGA, MUKUSULUKA TAMBWIJILA O IBHWIDISU YAKAYELA:

• Ihi iwadilongo mu vidyu yiyi yakukwatekesa kudisokejeka ni kithangana kyasoko yalungu ni kukusaka ni manyinga?

  Your answer