Mu izuwa yiyi yasukidilaku, twamudibhana ni ibhidi yavulu. Sayi ithangana kate tudivwa kuma kitwamutena dingi kukolokota mu ibhidi yoso yiyi. Maji se suluka ni kukolesa o ukamba wetu ni Jihova, mwene wandatukwatekesa kudibhana kate mwene ni ibhidi yabeta o kubhonza. (Iz 43:2, 4) Kyebhi kitutena kukolesa o ukamba wetu ni Jihova kyoso kitudibhana ni ibhidi?

Samba. Kyoso kitutakula o imbamba ituxina kwa Jihova, mwene utubhana kutululuka kwa muxima ni nguzu phala kukolokota.—Fi 4:6, 7; 1Te 5:17.

Yônge. Lelu etu twabhindamena dingi o kudya munzumbi ni kudilunga ni jiphange atubhana Jihova m’ukulu ndenge. (Jih 10:24, 25) Kyoso kitudisokejeka phala kutala ni kubhanga mbandu muyônge etu tukatula dingi mbote mu kikwatekesu kyoso kitubhana Jihova mu nzumbi.—Dij 2:29.

Ukunji. Se tubhanga yoso itutena phala kubhanga o kikalakalu kyetu kya kuboka kikyandatubhonza kulunga o kixinganeku kyetu mu ima yambote. Ukunji wetu utukwatekesa we kukolesa o ukamba wetu ni jiphange ni Jihova.—1Ko 3:5-10.

TALA OVIDYU JIHOVA WANGIKWATEKESA, MUKUSULUKA TAMBWIJILA O IBHWIDISU YAKAYELA:

• Ihi yakwatekesa Malu kuzukama kwa Jihova mu ithangana yabhonzo?

  Your answer

• Kala Malu, kyebhi o izwelu itusanga mu Jisálamu 34:18 yamuximbakatesa mu kithangana kya ibhidi?

  Your answer

• O ima yabhiti ni Malu ilondekesa kyebhi kwila Jihova utubhana “kutena kusomboka o kutena kwa athu” kyoso kitubhita mu ibhidi?—2Ko 4:7

  Your answer