Mivu yoso, o Jimbangi ya Jihova ene mukingila ni hanji yoso o kizuwa kya Lembalasa ya kufwa kwa Kidistu. Tusemana ande dya Lembalasa ni kyoso kibhita o Lembalasa kitubhana kithangana kya katunda phala kuximana ni kusakidila Jihova mukonda dya ujitu wa sata ya kukula. (Ef 1:3, 7) Mu kifika, etu tutena kubhanga yoso phala kwixana o athu phala o Lembalasa. Sayi ya abhanga yoso phala kudisokejeka phala kukalakala kala aboki ithangana ni ithangana mu mbenji ya Katanu mba Kasamanu mu kubhana 30 mba 50 a jiola. O kwila eye wamesena kubandekesa o ukunji wé mu kithangana kya Lembalasa? Ihi itena kukukwatekesa kukumbidila o mbambe yiyi?

Sayi bhabha tutena kubhanga dingi kyoso kitudisokejeka kyambote. (Ji 21:5) Kuma o Lembalasa ya zukama mateka kya kudisokejeka. Xinganeka kyebhi kiwamesena kubhanga dingi mu ukunji mujisemana ya Lembalasa anga sola kubhanga ima yanda kukwatekesa kukumbidila o mbambe yiyi. Kyenyiki bhinga kwa Jihova phala kubesowala o nguzu yé.—1Nz 5:14, 15.

Maukexilu ebhi u utena kuxinganeka phala kubandekesa o ukunji wé mukithangana kya Lembalasa?