UENDELU UA UKIDISTÁ
Se u Sanga Mon’a Ndenge
Se mon’a ndenge uíza mu tu jikuila o dibhitu, tua tokala ku mu bhinga phala kuixana o jitata jê. Kubhanga kiki, kulondekesa kuila tua mu a xila. (Ji 6:20) Se o mon’a ndenge u tu bhinga phala kubokona, ki tu tokala kuxikina. Se jitata jê ki ji tena ku tu tambulula, tua tokala kuvutuka kizuua kiéngi.
Né muene se uala kia mu kitala kia kikumbi, tua tokala kubhinga phala kuzuela ni jitata jê. Se jitata kala ni kithangana, tu tena ku muibhuidisa se jitata jê a muehela kusola o madivulu ene mu tanga. Se uamba kiene, tu tena ku mu bhana kadivulu ni kuzuela-nê ia lungu ni jw.org.
Kioso ki tu vutuka phala ku mu kunda dingi, tua tokala ku mu bhinga phala ku tu ijiidisa o jitata jê. Kubhanga kiki, kua-nda tu bhana kithangana kia kulondekesa ku jitata jê se mukonda diahi tuai kubhata diâ, ni ku a londekesa kuila o itumu ia Bibidia, i tena kuzediuisa o muiji uâ. (Jis 119:86, 138) Se tu xila o jitata jê, ene a-nda tu dielela, tua-nda tena ué ku a bhana umbangi kioso ki kumoneka kithangana.—1Ph 2:12.