Kyoso Jezú kya disa o 5.000 a athu ndenge, mala, ahatu ni an’a ndenge, mwene wa tumina o maxibulu mê: “Nonenu tu mbandu twa subhuka, mbé ki kutexika kima.” (Nz 6:12) Jezú wa bhana valolo mu yiyi ya bhange Jihova, mu kubhangesa kwila ne ngó o tu mbandu twa jimbolo ki tu texike.

Mu izuwa yetu, o Kibuka Kya Utuminu, kyene mu kayela o phangu ya Jezú, mu kulanga ni unjimu woso o ima yene mu sangela o athu. Mu kifika, kyoso kya tungu o mbonge ya Jimbangi ja Jihova ku Warwick, mu mbanza ya Nova Iork, o jiphange a solo kutunga jisabhalalu, mu ukexilu weji kwatekesa ku ngastala kyambote o kitadi ki sangela o athu.

KYEBHI KI TU TENA KWEHA O KUZANGA MBA KUTEXI . . .

• kyoso ki tu kala mu yônge?

• kyoso ki tu katula madivulu phala etu mwene kutanga? (Ministério do Reino 5/09 pág. 3 parág. 4)

• kyoso ki tu katula madivulu phala ku kalakala na-wu mu ukunji? (Ukexilu ni Ukunji wa 02/17 difwe 4 kaxi 1)

• kyoso ki twa mwa bhana ku athu mu ukunji? (Ukexilu ni Ukunji wa 02/17 difwe 4 kaxi 2, ni kaxa)