WENDELU WA UKIDISTÁ
Kalakala ni Divulu Sanguluka Katé Kuhádya ni Hádya! Mu Ukunji
Twa sanguluka kyavulu mu kukala ni kadivulu ka ubhe ni divulu dya ubhe phala kulonga o Bibidya! Twa musamba phala Jihova kubesowala o nguzu yetu yakubhanga dingi maxibulu m’ukulu ndenge. (Mat 28:18-20; 1Ko 3:6-9) Kyebhi ki twatokala kukalakala ni jifalamenda jiji?
Kuma o divulu Sanguluka Katé Kuhádya ni Hádya!, mbote ijila mukudilonga o bibidya, dyala ni ukexilu wa ubhe wa kulonga, kayela o jindunge jiji kyoso ki udipelepalala ni kyoso ki ulonga o Bibidya. *
-
Tanga o milongi yoso, zwela yalungu ni ibhwidisu
-
Tanga o jivelusu josoneke “tanga,” kwatekesa o dixibulu kutendela o velusu ni kyebhi kyatena ku ikumbidila
-
Xika mu kusuluka zwela yalungu ni jividyu, bhanga o ibhwidisu imoneka mu kadivulu
-
Fikisa kuzubha disá dimoxi mu kulonga o muthu
Mu ukunji, utena kubhana o kadivulu phala kumona se o muthu wamesena mwene kudilonga mba kana. (Tala o kaxa “ Kyebhi ki tu Tena kubhana o kadivulu Sanguluka Katé Kuhádya ni Hádya! mu kubhana umbangi wadyanga.”) Se mu zubha kudilonga o kadivulu anga umona kwila o dixibulu wamesena kusuluka, mu bhane o divulu, anga umateka kudilonga n’ê o disá dya 04. Se eye wamulonga muthu mu divulu I Tu Longa mba ‘Kala mu Henda ia Nzambi’, utena kumateka kudilonga n’ê mu divulu dya ubhe Sanguluka Katé Kuhádya ni Hádya! Éye watokala kusola bhwebhi bhu mwanda mateka.
TALA OVIDYU KATULA MBOTE MU KUDILONGA O BIBIDYA, MU KUSULUKA BHANGA O IBHWIDISU YAKAYELA:
-
Ihi yanda dilonga o maxibulu mu divulu dya ubhe?
-
Mukonda dyahi eye watokala kulondekesa ovidyu yiyi ku maxibulu a ubhe?
-
Mbambe jebhi jiwatokala kuswinisa o dixibulu kusuwa ni ku ikumbidila?—Tala o kaxa “ Ihi Itwanda Dilonga; Jimbambe ja Madisá”
^ kax. 4 KITENDELESU: Sumbala sayi bhabha ki kubhingi kuzwela yalungu ni mbandu “Tokwesa Dingi” kyoso ki ulonga o Bibidya, maji katula kithangana phala kutanga ni kumona o milongi yalamu kyoso ki udipelepalala. Se ubhanga kiki, wanda tena kumona ihi yanda tena kutula kumuxima wa dixibulu ni kumukwatekesa. O divulu dyala mu saite mba dijitale, dyala ni jilink ja jividyu ni ja milongi engi.
|
IHI ITWANDA DILONGA; JIMBAMBE JA MADISÁ |
|||
|---|---|---|---|
|
MADISÁ |
IHI ITWANDADILONGA |
O JIMBAMBE JA MAXIBULU |
|
|
01-12 |
Tala kyebhi o Bibidya itena kukukwatekesa ni kyebhi ki utena kwijiya o Muthu wavu o Bibidya |
Ijiya ihi yene mubhanga Nzambi phala etu, ni ukexilu wa ubhezelu wawabhela mwene |
|
|
13-33 |
Ijiya se ihi ikingila Nzambi ku abhezi’ê |
Tala kyebhi ki utena kusuluka mu henda ya Nzamb |
|
|
34-47 |
Swinisa o dixibulu kutanga o Bibidya, kupelepalala o milongi yakudilonga, ni kumateka kuya mu yônge |
Swinisa o dixibulu kuzwela ni akwâ o ima yamudilonga ni kukituka muboki |
|
|
48-60 |
Swinisa o dixibulu kubhakula o mwenyu wê kwa Jihova ni kudibatizala |
Longa o dixibulu kutungula o ima yambote ni yayibha. Mu kwatekese kukula mu nzumbi |
|
