Ande dia kubhita o fesa ia Phasu ku muvu ua 32 K.K., Jezú ua bhangele kima kia madiuanu; o madiuanu iá, ene ngó a a soneka ku asoneki a uana a soneka o madivulu, a Matesu, Marku, Luka ni Nzuá.

Bhu kaxi ka madiuanu iá, Jezú ua bhana phangu, iene mu kaiela katé mu izuua ietu.

14:16-21

• Jezú ua longo o maxibulu mê, kudisa athu avulu, sumbala ene akexile ngó ni mbolo jitanu ni mbiji jiiadi

• Jezú ua kuata o jimbolo ni jimbiji, kioso kia zubha kusamba, ua mateka ku ji uanena o maxibulu; ene anga a ji uanena o mundu

• Bhu kaxi ka madiuanu, kua kexile kudia kua soko phala athu oso. Jezú ua disa mazunda a athu bhu kaxi ka athu a tolo—o maxibulu mê

• Jezú ua kanena kuila, mu izuua isukidila-ku muene ueji sola athu phala kuuanena o ‘kudia mu nzumbi mu kithangana kia tokala.’—Mat 24:45

• Ku muvu ua 1919, Jezú ua solo o ‘kimbadi kia fiiele,’ kibuka kiofele kia athu a a solo bhu kaxi ka jiphange a a undu, phala kulanga o “dibhata diê,” ió a tambula o kudia

• Bhu kaxi ka kibuka kiofele kia jiphange jiji a a undu, Jezú ua mu kaiela ia bhangele ku hama ia dianga

Kiebhi ki ngi tena kulondekesa kuila, ngi xikina anga ngi xila o kibuka kia solo Jezú phala kuuanena o mundu, o kudia mu nzumbi?