Kioso Jezú kia kexile mu ixi, muene ua bhitulula o izuelu ia kitumu: “Bhana ujitu kua tat’enu ni mam’enu.” (Ma 20:12; Mat 15:4) Jezú ua zuela o maka iá sé hele, mukonda muene ua kexile ‘mu tumaka’ o jitata jê, kioso kiexile ka munzangala. (Lu 2:51) Kioso kia kulu, muene ua tendelesa kulanga manh’â kioso kieji fua.—Nz 19:26, 27.

Mu izuua ietu ue, o minzangala a belesela o jitata jâ ni kuzuela nau kiambote, a mu londekesa kuila a mu a xila. Mu kidi, o kitumu kia kuxila o jitata jetu, ki kiala ni disukilu. Né muene se o jitata jetu ja kuka kiá, tua tokala kusuluka ni ku a xila, phala kukatula mbote mu unjimu uâ. (Ji 23:22) Tu xila ue o jitata jetu ja kuka, mu kudikila o ibhindamu iâ mu xitu, nange mu ku a bhana ka kitadi, ni ku a kunda. (1Ti 5:8) Kikale se tu minzangala hanji mba tua kulu kiá, phala kulondekesa kuila tua mu xila o jitata jetu, tua tokala ku di zuelesa nau kiambote.

TALA O VIDIU, KIEBHI KI NGI TENA KUZUELA NI JITATA JAMI? MU KUSULUKA, TAMBUIJILA O IBHUIDISU IA KAIELA:

• Mukonda diahi sai ithangana kubhonza kuzuela ni jitata jé?

• Kiebhi ki u tena kuxila o jitata jé, kioso ki u zuela nau?

• Mukonda diahi kima kiambote kubhanga nguzu phala kuzuela ni jitata jé? (Ji 15:22)