UENDELU UA UKIDISTÁ
Kubandekesa o Uhete Uetu mu Ukunji—Mu Kubhanga Ibhuidisu ni Unjimu
MUKONDA DIAHI KIMA KIAMBOTE KUBHANGA KIKI: Se “o ixinganeku mu muxima ua muthu, ia zonga kala menha,” o kubhanga ibhuidisu kiedi kala o kizenzu ki sunga o menha mu ditangi. (Ji 20:5) O ibhuidisu i kuatekesa o athu ku tuívua. Kioso o muthu kia tambuijila kibhuidisu kio sole kiambote, kukuatekesa kuijiia se ihi iejiia muene ia lungu ni maka u tua mu zuela. Jezú ua bhange ibhuidisu ni unjimu. Kiebhi ki tu tena kukaiela o phangu iê?
KIEBHI KI TU TENA KUBHANGA KIKI:
-
Bhanga ibhuidisu i bhangesa o muthu kuzuela ia mu kala ku muxima. Jezú ua bhange ibhuidisu phala kuijiia ihi iexile mu banza o maxibulu mê. (Mat 16:13-16; Escola do Ministério pág. 238 parág. 3-5) Iebhi o ibhuidisu i ua tokala kubhanga?
-
Bhanga ibhuidisu i kuatekesa o muthu kulungulula o ibanzelu iê. Phala kubazela Phetele mukonda dia ibanzelu iê iaiibha, Jezú ua mu bhange ibhuidisu phala ku mu kuatekesa kuijiia o kima kia tokala. (Mat 17:24-26) Ibhuidisu iebhi i tena kukuatekesa muthu kuijiia o kima kia tokala o kubhanga?
-
U a ximana. Kioso o mesene ia Kitumu, kia zubha ‘kutambuijila ni kilunji,’ Jezú ua mu ximana. (Mar 12:34) Kiebhi ki u tena kuximana muthu ua tambuijila o kibhuidisu ki ua mu bhange?
-
Sumbala o milongi ia kexile mu zuela o muboki, ia kidi, mukonda diahi iu ki ukexilu uambote ua kulonga?
-
Mukonda diahi ki tu tokala ngó kujimbulula o milongi?
TALA O MBANDU IA KAIIADI IA VIDIU, MU KUSULUKA TAMBUIJILA O IBHUIDISU IA KAIELA:
-
Kiebhi o phange kia bhange kiambote o ibhuidisu?
-
Ihi dingi i tu tena kudilonga mu ukexilu uê ua kulonga?