Kukwatela henda kulombolola kutendela kyebhi akwetu kyadivwa, kwabhana valolo, kusuwa o ibhindamu ni ixinganeku yâ. O athu amona kyoso kitwakwatela henda. Se twamesena ku a kwatekesa ni muxima woso, twabhingi ku a kwatela henda. Kyoso kitukwatela henda ku athu mu ukunji, twamukayela o phangu yahenda ya Jihova, kiki kibhangesa o athu kumesena kumwijiya.—Fi 2:4.

Kukwatela henda kikwalungu ngó ni ukexilu wetu wakulonga o athu; maji akwetu twakwatela henda mu ku a evwa ni mwanyu ni kulenduka kwoso. O ibhangelu yetu yatokala kulondekesa o henda yetu. O pholo yetu yatokala we kulondekesa o henda yiyi itwakwatela. Kyoso kitusuwa mukwetu, tulondekesa kwila, twamukwatela henda. Tubhana valolo mu ima yawabhela, o ima yaxikina ene, ni ima ibhita ku mwenyu wâ. Twabhana jindunge, twakwatekesa, maji kitwajijidika kulungulula o ukexilu wa mwenyu wâ. Kyoso o athu utwene mwabokela kyaxikina o kikwatekesu kyetu, o kusanguluka kwetu mu ukunji kudibandekesa dingi.

TALA OVIDYU, SANGULUKA MU KUBHANGA MAXIBULU—BANDEKESA O UHETE WÉ—KUKWATELA HENDA, MUKUSULUKA TAMBWIJILA O IBHWIDISU YAKAYELA:

• Kyebhi Nita kyakwatela henda kwa Jade, kyoso mwene kyalaleka?

• Kyebhi Nita kyakwatela henda kwa Jade, kyoso mwene kyambe kwila, kexile ni nguzu phala kudilonga?

• Kyebhi Nita kyakwatela henda kwa Jade, kyoso mwene kyambe kwila, katena kuta kala kima mu kididi kyê?