Jihova wamesena kwila o miji isanguluke. (Jis 127:3-5; Nd 9:9; 11:9) Maji o maka ene mubhita ku mundu yú, ni itondalu ya athu ku mwiji wetu, itena kutubhangesa kukamba kusanguluka. Ihi itutena kubhanga kala muthu mudyetu, phala kukwatekesa o mwiji wetu kusanguluka?

O munumi ubhana kijingu ku muhatu. (1Ph 3:7) Mwene ubhita thembu ni muhatu’ê. Mwene ulondekesa kisakidilu mu ima ibhanga jinga muhatu’ê phala mwene ni mwiji, ka mujijidika we kyavulu. (Ko 3:15) Mwene ulondekesa kwa muhatu kwila wamuzolo mu izwelu ni mu ibhangelu, uximana we o muhatu.—Ji 31:28, 31.

O muhatu usota jinga maukexilu a kukwatekesa o munumi. (Ji 31:12) Mwene utumaka o munumi, ukayela o jindunge jê. (Ko 3:18) Mwene uzwela ni kuxila kwoso ni mwadi wê, uzwela we kyambote yalungu ni mwadi wê kyoso kyakala bhukaxi ka athu engi.—Ji 31:26.

Jitata, bhitenu kithangana ni an’enu. (Mate 6:6, 7) O jitata azwela ku twa twâ kwila a azolo. (Mat 3:17) Mu ola ya kubazela, ene abhanga kiki ni henda yoso ni kilendu kyoso.—Ef 6:4

O twana a xila ni kubelesela o jitata jâ. (Ji 23:22) ene atangela ku jitata jâ o ima yamubanza ni kyebhi kyamudivwa. Ene axikina o kibazelu kya jitata, anga a axila.—Ji 19:20.

TALA O VIDYU DRAMATIZATION SOTA O KUSANGULUKA KU MWIJI WÉ, MUKUSULUKA TAMBWIJILA O KIBHWIDISU KYAKAYELA:

Ihi yabhange o athu mu vidyu, phala kukwatekesa o mwiji kusanguluka?