MUKONDA DYAHI KIMA KYAMBOTE KUBHANGA KIKI: O athu a tokala kukola o dijina Jihova phala kubhuluka. (Lo 10:13, 14) Né kiki, ko athu oso a dilonga o Bibidya a belesela o itumu ya Jihova. Mu ukunji twa tokala kubhakula o kithangana kyetu mu kukwatekesa yó a mesena kulungulula o ukexilu wâ phala kusangulukisa Jihova. Se dixibulu dya Bibidya ka mu kula mu nzumbi, né mwene mu kubhita thembu ya soko, ni unjimu woso twa tokala kubhakula o kithangana kyetu phala kukwatekesa o athu a mu sunga Jihova mu kilunga kyê. (Nz 6:44) Maji ku pholo, se o muthu u londekesa kwila, wa “fwamena o mwenyu ki wabhwa,” ni kisangusangu kyoso tu vutuka kudilonga n’ê o Bibidya.—Ik 13:48.

KYEBHI KI TU TENA KUBHANGA KIKI:

• Ximana o dixibulu mu kuwabhela kudilonga o Bibidya ni kukala ni kwijiya kwa kidi.—1Ti 2:4

• Mu londekese o valolo ya kubelesela o ima ya dilongo.—Lu 6:46-49

• Ni henda yoso, mu jimbulwile o kifika kya Jezú kya mukuni ni ku mu ibhwidisa se ihi ya mu mu fidisa kukula mu nzumbi.—Mat 13:18-23

• Ni kuxila kwoso mu tangele se mukonda dyahi wa-nda kweha kudilonga ni mwene

• Mu tangele kwila sayi ithangana wa-nda mu kunda phala ku mu swinisa ni kwila mwa-nda tena kudilonga dingi se ku hádya mwene u kula mu nzumbi

TALA O VIDYU, MU KUSULUKA TAMBWIJILA O IBHWIDISU YA KAYELA:

• Ihi i wa dilongo mu maka a zwela, a londekesa kwila o dixibulu ka kexile mu kula mu nzumbi?

• Kyebhi o muboki kya kwatekesa o dixibulu kumona kwila wa bhingile kulungulula o ukexilu wê?

• Kyebhi o muboki kya londekesa kwila mwene wala polondo phala kuvutuka kudilonga n’ê dingi ku hádya?