WENDELU WA UKIDISTÁ
O Ixi ya “Minya o Ngiji”
M’ukulu, o jinguvulu a kwatekesele o mundu wa Jihova. (Ej 6:1-12; Est 8:10-13) Lelu, kyene we kimoxi, twene mu mona “o ixi”—ilombolola jinguvulu ja mundu yú a thetuluka dingi—ene mu minya o “ngiji,” kifwa o izukutisu yene mu bheka “o mudikixi,” Satanaji o Dyambu. (Dij 12:16) Jihova o ‘Nzambi i bhulula,’ u tena kubhangesa kwila o jinguvulu a bhana ufolo ku mundu wê.—Jis 68:20; Ji 21:1.
Ihi i wa-nda zwela se a ku ta mu kaleya mukonda dya kixikanu kyé? Kana kukala ni phata, dyelela kwila Jihova yu mona ya mu bhita n’eye. (Di 39:21-23; Jis 105:17-20) Dyelela kwila wa-nda tambula mabesá mukonda dya kixikanu kyé ni kwila o ufiyele wé u swinisa o jiphange ku mundu woso.—Fi 1:12-14; Dij 2:10.
TALA O VIDYU, JIPHANGE MU IXI YA COREIA A A KATULA MU KALEYA, MU KUSULUKA TAMBWIJILA O IBHWIDISU YA KAYELA:
-
Mukonda dyahi jimidi ja jiphange a a te mu kaleya ku ixi ya Coreia do Sul mu mivu yiyi?
-
Ihi ya solo o jinzo ja kufundisa ya bhangesa kukatula o jiphange mu kaleya a-nde dya kubhixila o kithangana kya a xindile?
-
Kyebhi ki tu tena kukwatekesa o jiphange jetu ku mundu a a te mu kaleya mukonda dya kixikanu kyâ?
-
Kyebhi ki tu tena kukatula mbote kabasa ufolo u tu kala na-wu?
-
Nanyi u bhangesa kwila tu nganyala mu jinzo ja kufundisa?
Kyebhi ki nga mu katula mbote mu ufolo u ngala na-wu?
