MUKONDA DYAHI KIMA KYAMBOTE KUBHANGA KIKI: O jikidistá a undu ni jimbudi ja mukwa, exana athu a mawukexilu oso phala “a tambule o menya ma mwenyu mu ngoho.” (Dij 22:17) O menya yá a lombolola o ima yoso i bhanga Jihova phala kubhulula ku kituxi ni ku kalunga, o athu oso a belesela. Phala kukwatekesa o athu ala ni ijila yavulu ni milongi ya dilongo mu jingeleja jâ, twa tokala kwa bokela “o jingolokela ji xalelà-ku ja Njimbu Yambote,” mu ukexilu u a tudila ku mixima yâ, muthu ni muthu.—Dij 14:6.

KYEBHI KI TU BHANGA KIKI:

• Sola milongi ni velusu ya-nda tula ku mixima ya athu mu mbambe yé. Eye u tena kusola ndunge phala kubhana umbangi mba ndunge i wene mu bhanga i wene mu ditunda kyambote. Maka ebhi ni jivelusu jebhi ja a bhangesa kuxikina? O kwila sayi maka a ubhe a mu zwela kyavulu ku athu? Maka ebhi a wabhela kwivwa dingi o mayala mba ahatu?

• Mu kuzwela ni athu, wa a menekena ni kuxila o ijila ni mawukexilu a dyembu dyé.—2Ko 6:3, 4

• Ejiya kyambote o madivulu ni jividyu jala mu Jifalamenda Jetu ja Kulonga, phala kuzwela ni muthu wa mesena kwijiya o kidi

• Katula mu jw.org, o madivulu mu madimi a athu u u tena kusanga mu mbambe yé

• Lungulula o ndunge yé mu kubanza mu ibhindamu ya mukwa dibhata. (1Ko 9:19-23) Mu kifika, ihi i weji zwela, se weza mu kwijiya kwila o mukwa dibhata wa fundu ndandu kindala?

TALA O VIDYU, MU KUSULUKA TAMBWIJILA O IBHWIDISU YA KAYELA:

• Maka ebhi o muboki a mateka kuzwela ni mukwa dibhata?

• Ihi ya bhiti ku mwenyu wa mukwa dibhata?

• Ibatulu yebhi ya Bibidya ya fwamene o kutanga mu kithangana kyenyókyo ni mukonda dyahi?

• Kyebhi ki wene mu lungulula o jindunge jé phala kutula o njimbu ku mixima ya athu mu mbambe yé?