“Akua’xi imoxi a kà di kuata ni akua’xi iamukuá; kilômbo kia kà balukila kilômbo kiamukuá . . . Ima ioso iíi-phe dimatekenu ngó dia malamba, kala misusu ia muhatu ua-nda kuvuala.”

Matesu 24:7, 8

“Bhua kà tukuluka jipolofeta javulu ja makutu, ji kala mu jimbidisa mundu uavulu. Mukonda dia úsueia kuvula, ku kala athu avulu, o’henda iâ i zonda.”

Matesu 24:11, 12

‘O ki mu ívua ita ni minangu ia ita, ki mu ki tukumuke, mukonda im,’iíi i bhinga i dianga ku bhita, o dizubhilu-phe kiluua.’

Marku 13:7

“Ku ididi imoxi-mu, oxi ia-nda tunguta kiavulu; ku ididi iamukua ku bhita jinzala ni mabhebhu. Ku kala madiuanu ma kuatesa uôma, athu a kà mona ijimbuete ni isumua iònene ku diulu.”

Luka 21:11

 ‘Mu izuua isukidila-ku kua-nda kuíza jithembu jabhonzo. Kuma athu a kà kala azodi a ene ngó, injenji, akua ukumbu, a ténda akuâ, a nonga, a xibhaka tata ni mama, a kamba ku sakidila, a kamba ujitu ua Maka a Nzambi. Ka moneka henda ia muthu, kene ku loloka, akua ku tatela ngó akuâ, keji kufikisa jihanji, a kaka, a di zemba ni ima iambote. En’ia a bhanga ufe, a thathamana, a vula izala. A kala azodi ia jivondadi jâ, ki azodi a Nzambi, kana! Ku kanga a kuata kídifua kala kia ku xila Nzambi, maji ki kalakala o kutena kua Nzambi-phe, a ditunu-kiu. Athu a kala kiki, ua sondoloka.’

2 Timote 3:1-5