KIBHUIDISU KIA 5
Iebhi o njimbu ia Bibidia?
“Nga-nda ku ta unguma bhu kaxi ké eie ni muhatu, ni bhu kaxi ka mbutu ié-eie ni mbutu iê-muène; muéne ua kà ku bula o mutué, eie ua kà mu numata o kasende.”
“Ku mbutu ié kuene kua kà zediuila ifuxi ioso mu ngongo; mukonda ua tumaka dízui diami.”
“Utuminu ué uize. Vondadi ié a i bhange bhoxi, kala kiala ku i bhanga ku diulu.”
“O Nzambi . . . ia paze, kindala uanda ku titidila ji [Satana] bhoxi dia inama ienu.”
“Kioso kia kà zubha ima ioso kutolokela Kristu, i kala bhoxi dia ungana uê, kiene ue kiua, o Mona muene, kia kà di tula bhoxi dia ungana ua Nzambi, ió ua tena kutolola o ima ioso, iú ua i tula bhoxi dia ungana ua Kristu. Kienhokio kiene kiua Nzambi kia kà kala mù tumina sé mbambe ku thandu dia ima ioso.”
“O jipolomesa-phe ja bhana Nzambi kua Mbalahamu ua mu tangela-ju, ni ió u tunda ku mbutu iê,. . . muene-phe Kristu. O ki kala enu oso mua tokala Kristu, muala mu mbutu ia Mbalahamu.”
“O Utuminu ua jixi mu ngongo, ua [bhiluka] Utuminu ua Ngana ietu, ni ua Kristu iê. Muéne kiá ua kà tumina katé ku hàdia ni hàdia!”
“Kimudikixi kia dikota anga a mu takuila ku kanga! A mu kaia, na Kinhoka kiokulu, a mu ila Diabhu, a mu ila [Satanaji], mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.”
“U kuata mudikixi, na kinhoka kiòkulu-ô, muène Diabhu, mba [Satanaji], anga u mu kuta phala a bhange midi ia mivu.”
