KIBHUIDISU KIA 2
Kiebhi ki u tena ku di longa ia lungu ni Nzambi?
‘Divulu didi, dia kitumu, ki u di katule mu kanu diê; ua tokala ku di tanga mu muanha ni mu usuku, ni uijiie ku bhanga ima ioso ni muanhu kala kia i soneka, mukonda se uenda ni ku ki bhanga, ua-nda kala ni uendelu uambote, ni unjimu.’
‘Anga a tanga mu divulu dia kitumu kia Nzambi, ni ku ki jimbulula kiambote, a ki bhanga kuila, kioso kia tanga, a ki tendela kiambote.’
Nehemiia 8:8
‘Ua zediua o muthu ka xikina kuenda mu phangu ia athu a iibha . . . , muéne-phe o ngalasa iê u i sanga mu kitumu kia Jihova; o kitumu kiê kiene kia banza mu muanha ni mu usuku . . . O ioso ia bhanga i tunda kiambote.’
Jisálamu 1:1-3
‘Filipe anga u lengela ku mbandu iê, u mu ivua ku tanga mu divulu dia polofeta Izaia. Anga Filipe u mu ambela, uixi: ‘I ua mu tanga eie, ua mu i tendela?’ Muéne uambe: ‘I nga mu tanga ngi i tendela kiebhi, sé muthu ku ngi jimbulula-iu?’’
‘Kuma o ídifua iê ia kambe ku moneka ku mesu, a tena ku i mona ku ibhangelu ia mundu, kala o nguzu iê ni Unéne uê, ki i jimbi, mukonda ia di monekena. Kuma o ima ia bhange i londekesa o kutena kuê. Ki i tu kuatesa phata.’
‘Kolokota ni ku bhanga o ima íii, suua ngó o ima ia Nzambi, athu oso a mone o ku kula kuê mu nzumbi.’
‘Tu di xinganeki-enu mudietu, tu di suínise mu ku di zola, ni ku bhanga o mbote. Kana ku fula mu ku di bhongolola jinga.’
‘Maji se saí muthu mudienu ua kambe unjimu, a u bhinge kua Nzambi, muéne anga u mu bhana. Mukonda muéne u bhana unjimu ni ngalasa ioso, kene mu jimba muthu.’