“Eie Beleme dia Efrata, . . . mo-mué muene mua kà tunda u ngi kalela ngana mu Izalaiele.”

Mikeia 5:2

“Kiki kuila Jezú a mu vuala kiá mu Beleme ia Judeia, mu izuua ia sobha Helode, jinganga ku Thunda jiza mu Jeluzaleme.”

Matesu 2:1

“A uana mudiá o izuatu iami, divunga diami a di tela jisorte.”

Jisálamu 22:18

‘O masoladi kia zubha ku phaphela Jezú ku taka, a katula o izuatu iê, anga a i uana mu mbandu ji-uana, mbandu imoxi kala disoladi. Anga a katula ué o mbinza iê iòleka tunde ku thandu katé bhoxi, sé bhuma bhua i tungu ni jidinha. Anga a di ambela mudiâ, exi: Ki tu i tandule. Inda tu ta jisorte, tu tale uoso u xala na-iu.’’

Nzuá 19:23, 24

‘U langa ifuba iê ioso; ne kimoxi ngó ki ki bukuka.’

Jisálamu 34:20

“O ki eza kua Jezú-phe, a sanga uafu kiá, anga [a] kamba ku mu bukula inama iê.”

Nzuá 19:33

“Muéne a mu kuama mukonda dia itondalu ietu.”

Izaia 53:5

“Disoladi dimoxi-phe u kuata sosa, u kubula na-iu Jezú mu jimbanji. Kithangana kienhókio anga mu tunda manhinga ni menha.”

Nzuá 19:34

“A ngi futa makuinhi a tatu a itadi ia phalata.”

Zakadiia 11:12, 13

‘Kienhókio umoxi ku kuinhi ni kiiadi, a mu ixana Juda, mukua Kadiota, uia ku jinganga ja makota, uixi: Mu ngi bhana-hi se Jezú ngi mi thelekala-nê? Ene anga a mu pezalela makuinhi atatu a itadi ia phalata, hé a mu bhana.’

Matesu 26:14, 15; 27:5