Kitendelesu Phala o Jitata

Ujitu uebhi ua beta o valolo i ua tokala ku bhana ku an’ê? Saí ima iavulu ia bhindamena ene, kala o henda iê, o ku a endesa, ni ku a langa. Maji o ujitu ua beta dingi o kota i u tena o ku a bhana, o kuijiia Jihova ni milongi ia kidi i tu sanga mu Maka mê, o Bibidia. (Nzuá 17:3) O kuijiia kuku ku tena ku kuatekesa an’ê ku zola Jihova ni ku mu sidivila, né muene mu undenge hanji.​—Matesu 21:16.

Tata javulu a mono kiá kuila, o ana-ndenge a bhaka kiambote o madisá ofele ni ikalakalu ia a bhana phala ku i bhanga. Kienhiki, kisangusangu kia dikota phala etu ku bhanga o kadivulu, Madisá’mi a Bibidia. kala disá mu kadivulu kaka, di longa mu ukexilu ua bhebhuluka phala o ana-ndenge. O jifoto ni milongi i kaiela o jifoto, a ji bhange bhenge-bhenge phala o an’a-ndenge ala ni mivu itatu mba kiluua a i tenesa. Tu sanga-mu ué jindunge phala ku bhanga kiambote o kikalakalu. O kadivulu, Madisá’mi a Bibidia ki kima phala an’a-ndenge ku tonoka na-ku. Maji a ka bhange phala eie ku ka tanga ni an’ê, ni ku kuatekesa o tuana ku kala ni ukexilu ua ku di zuelesa kiambote ku muiji.

Tua kingila kuila o kadivulu kaka ka-nda kuatekesa kiavulu o ana kioso ki uia ni ku a longa o kidi kia Bibidia “tundé undenge.”​—2 Timote 3:14, 15.

Phange jetu ja kazola,

Kibuka kia Utuminu kia Jimbangi ja Jihova

[Foto ku mbandu 3]