MILONGI YA 19
Kubhixidisa o Milongi ku Muxima
Jisabhu 3:1
IHI I WA TOKALA O KUBHANGA?: Wa tokala kukwatekesa o jingivwidi je ku wabhela ni kubelesela o ima ya mu dilonga, ni muxima woso.
KYEBHI KI WA TOKALA O KUBHANGA?:
-
Kwatekesa o jingivwidi ku di tonginina mudyâ. Bhanga ibhwidisu ya a bhangesa kuxinganeka, phala ku a kwatekesa kutonginina o ukexilu wâ, ni kyebhi kya mu divwa.
-
Swinisa o jingivwidi kubhanga o ima ni disukilu dya mbote. Swinisa jingivwidi jé kutendela se mukonda dyahi a bhanga ima yambote. A kwatekese kukala ni kixinganeku kyambote mu kubhanga o ima, kifwa; a tokala kubhanga o mbote mukonda dya: henda yâ kwa Jihova, ku jiphange, ni ku milongi ya Bibidya. Kana ku a tulula, maji u xinganeka jinga na-u. Mu veji dya ku a kwatesa sonyi, mba ku a bhangesa ku divwa wila ala ni kikuma, wa tokala ku a ximbakatesa. Ku disukilu dya mbandu yé, wa tokala ku a swinisa kubhanga o mbote, katé bhwa sukila o nguzu yâ.
-
Fumanesa Jihova. Londekesa kyebhi o milongi, o itumu ni ijila ya Bibidya, ilondekesa o idifwa ya Nzambi, ni henda ya tu kwatela. Kwatekesa o jingivwidi kuxinganeka o ibanzelu ya Jihova, ni ku sota ku mu sangulukisa mu kizwa ni kizwa.