Sola ifika ya bhebhuluka. Kala Jezú, sola ima yofele phala kujimbulula ima ya makota, ni ima ya bhebhuluka phala kujimbulula ima ya bhonzo. Kana kutumbula ima i tena kubhonzesa o jingivwidi jé kutendela o kifika. Bhanga yoso phala kulondekesa kyebhi o jimbandu ja beta kota ja kifika ki wa te ja lungu ni disá di wa mu longa, phala o jingivwidi jé ka thandanganye ni jimbandu jengi ja kifika.

Xinganeka mu ima i tena kukwatekesa o jingivwidi jé. Sola ifika i zwela ya lungu ni ima yene mu bhanga o jingivwidi jé. Aluka phala o ifika i wa-nda ta ki i bhekese jisonyi mba i xinga o jingivwidi jé.

Longa o pondo ya beta kota. Sola kuta kifika kya lungu ni jipondo ja beta kota mu veji dya kujimbulula ima yengi. Bhanga yoso phala kukwatekesa o jingivwidi jé kulembalala o disá dya katula mu veji dya kulembalala ngó o kifika.