DISÁ 58
Kolokota mu Ufiyele wé Kwa Jihova
O Jikidistá jakidi kehela kima kyoso kyoso mba muthu kwasandula kwa Jihova. Mukidi kyene kiwamudivwa. Jihova ubhana valolo yavulu mu ufiyele wê. (Tanga 1 Malunda 28:9) Ima yahi itena kulola o ufiyele wê ni kyebhi ki utena kudibhana nayu?
1. Kyebhi akwenu kyeji lola o ufiyele wê kwa Jihova?
Sayi athu anda sota kukufidisa kusidivila Jihova. Maji nanyi phe wejitena kubhanga o ima yiyi? Sayi athu axisa okidi, ene mutanga makutu alungu ni kilunga kya Nzambi phala kuzozesa o kixikanu kyetu. O athu yá, akwa kulungulula o kidi. O kyamukwa, sayi atwameni a jingeleja ene mumwanga makutu alungu netu phala amoxi mudyetu kuxisa o kidi. Kilwezu kyadikota kusota kuzwela ni yó akwa kulungulula o kidi, kutanga o madivulu, kubokona mu sayite ni kutala o jividyu jâ. O yó ene musota kubhangesa akwa kweha kusidivila Jihova, Jezú wa ambela: “A ehi’enu! Ala atwameneni a ifôfo. Kifôfo phe, se ki twamenena kifôfo ni mukwá, kiyadi kyâ anda kudibhala mu dikungu.”—Matesu 15:14.
2. Kyebhi o ima itusola ilondekesa o ufiyele wetu kwa Jihova?
O henda yetu kwa Jihova yene yanda tubhangesa kudituna kubhanga kima kya lungu ni jingeleja jamakutu. Kiki kilombolola kwila, kitubhange mbandu ya kisangela kibhanga ima ya lungu ni jingeleja jamakutu. Kiki kya lungu ni salu yetu mba kima kyoso kyoso kitubhanga. Jihova utudimuna: ‘Tundenumu mu Babilonya ya Dikota‚ enu mu mundu wami.’—Dijingunwinu 18:2, 4.
DILONGE DINGI
Tala kyebhi ki utena kudituna kweha muthu kuzozesa o ufiyele wé kwa Jihova. Tala we kyebhi ki utena kulondekesa o ufiyele wé mu ku tunda mu Babilonya ya Dikota.
3. Dilange ni ilongesu yamakutu
Ihi itwatokala o kubhanga se twívwa ima yayibha ya lungu ni kilunga kya Jihova? Tanga Jisabhu 14:15, mukusuluka bhanga o kibhwidisu kya kayela:
-
Mukonda dyahi twabhingi kudilanga phala kituxikine mu ima yoso itwívwa?
Tanga 2 Nzwá 9-11, mukusuluka bhanga o ibhwidisu ya kayela:
-
Kyebhi kitutena kudibhana ni yó akwa kulungulula o kidi?
-
Twejiya kwila se tuzwela ni yó akwa kulungulula o kidi, kitwamulondekesa unjimu. Maji kyebhi ene kyejitena kutufunyisa ni ibanzelu yâ?
-
Mudyé, kyebhi Jihova kyeji divwa se tukala mukwivwa ima yayibha ya lungu ni mwene ni kilunga kyê?
4. Kolokota mu ufiyele wé kwa Nzambi né mwene se sayi phange wate kituxi
Se twijiya kwila, sayi phange mu kilunga wate kituxi kya dikota, ihi itwatokala o kubhanga? Tala ihi yambe Nzambi ku mundu wa akwa Izalayele mu ukulu. Tanga Ijila 5:1.
Kala kyamba o velusu yiyi, se twijiya kwila sayi muthu wate kituxi kyadikota, twatokala kuzwela ni tufunga. Maji kya dyanga, kima kyambote kuswinisa hanji o muthu phala kuzwela ni tufunga ni kufisala o ituxi yê. Maji se mwene udituna kubhanga kiki, o ufiyele wetu kwa Jihova watokala kutubhangesa kuzwela ku tufunga o ima yoso itwejiya. Kyebhi o kubhanga kiki kulondekesa henda . . .
-
kwa Jihova Nzambi?
-
ku muthu wate kituxi?
-
ku jiphange mu kilunga?
Se sayi phange wamudibhana ni maka, mukwatekese!
5. Tunda mu Babilonya ya Dikota
Tanga Luka 4:8 ni Dijingunwinu 18:4, 5, mukusuluka bhanga o ibhwidisu ya kayela:
-
O kwila o dijina dyami dibhanga hanji mbandu mu ngeleja ya makutu?
-
O kwila ngibhanga mbandu ya kisangela kibhanga ima phala o ngeleja yengi?
-
O kwila o salu yami yene mu kwatekesa o akwa jingeleja ja makutu?
-
O kwila sayi ima ku mwenyu wami ya lungu ni jingeleja jamakutu i ngatokala kweha?
-
Se sayi ibhwidisu i nga tambwijila kyene, ima yebhi i nga bhingi kulungulula?
Mu ima yoso yiyi, sota kubatula o maka mu ukexilu ulondekesa o ufiyele wé kwa Jihova, u kubhangesa kukala ni kitongolwelu kya zele.
Ihi iweji bhanga se akubhinga phala kukwatekesa mu ikalakalu ikwatekesa o athu abhindama mu ngeleja yengi?
ATHU AVULU AMBA: “Eme nga bhingi kwijiya ihi yene muzwela yó akwa kulungulula o kidi kya lungu ni Jimbangi ja Jihova phala ngitene kuzokela o kidi.”
-
O kwila unjimu kubanza kiki? Mukonda dyahi?
IHI IWADILONGO
Twamesena kukolokota mu ufiyele wetu kwa Jihova. Mu kiki kitutokala kudilunga ni yó amesena kutubhangesa kubhanga ima yayibha.
Kubhitulula
-
Mukonda dyahi kitwatokala kwivwa o ilongesu ya akwa kulungulukila o kidi?
-
Se twejiya kwila phange mu kilunga wate kituxi kyadikota, ihi itwatokala kubhanga?
-
Kyebhi kitutena kubelesela o kitendelesu kya kulenga o ubhezelu wamakutu?
TOKWESA DINGI
Tala ihi i utena o kubhanga kyoso akwenu kya mwanga makutu alungu ni Jimbangi ja Jihova.
“O Kwila Wejiya Mwene Yoso ya Bhiti?” (O Mulangidi, wa Kakwinyi wa 2018)
Kyebhi ki utena kwijiya o kisangela mba o ikalakalu yene mu kwatekesa o Babilonya ya Dikota?
Ihi yabhange o jinguma jetu phala kuzozesa o kixikanu kyetu?
Phala kwijiya ihi ya bhangesa o mutwameni wa ngeleja kweha o ubhezu wamakutu, tanga o musoso, “Eme Ngexile Musota Nzambi Tunde Undenge”.
“O Bibidya Ilungulula o Myenyu ya Athu” (O Mulangidi, 1 wa Kavwa wa 2011)
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
