MBANDU 2
Ku Boka o Utuminu—Ku Boka o Njimbu Iambote ku Mundu Uoso
EIE ua di iudika selu phala kuia mu ukunji mu kizuua kiê kia ku nhoha ku salu. Eie uala ni hele, mukonda ua bhuila. Ua mesena ku zeka dingi! Maji eie u samba, anga u banza kuia muene mu boka. Eie u boka ni phange ia muhatu ua fiiele ua kuka kiá, maji o nguzu ni ukexilu uambote ua muadiakimi iú u ku suínisa dingi. Kioso ki uia ni ku boka o njimbu inzo ni inzo, u mona kuila o phange jê ku mundu uoso a mu bhanga uá o kikalakalu kiki, a mu bhana uá o madivulu u ua mu bhana eie, ni kuila o ulongelu u uene mu tambula uene ué uene mu tambula ene. Kioso ki u bhixila kubhata, eie u divua kiambote. Eie u sanguluka kiavulu mukonda dia kuia ku boka!
Lelu, o ukunji uetu uene o kikalakalu kia beta o kota phala o Utuminu ua Nzambi. Jezú ua kanene kuila o kikalakalu kia kuboka eji ki bhanga ku mundu uoso mu izuua isukidila-ku. (Mat. 24:14) Kiebhi kiene mu dikumbidila o kikanenu kiki? Mu kibatu kiki, tua-nda mona o mundu, o maukexilu’â a ku boka, ni jifalamenda ja beta kota jene mu a kuatekesa mu ukunji uâ, ni ku kuatekesa mazunda a athu ku mundu uoso ku mona kuila o Utuminu ua Nzambi ua kidi muene.
IN THIS SECTION
KIBATULU 6
Athu a Boka Akunji a di Bheka Mu Vondadi Iâ | Utuminu ua Nzambi
Mukonda diahi Jezú ua dielele kuila ueji kala ni athu avulu eji di bheka mu vondadi iâ mu izuua isukidila-ku? Kiebhi ki u tena kulondekesa kuila ua mu ta ku pholo o Utuminu ua Nzambi?
KIBATULU 7
Maukexilu a Kuboka Maukexilu Avulu a ku Bokela Athu
Ijiia o maukexilu a ubhe a mundu ua Nzambi a tokala phala ku bokela athu avulu o njimbu iambote ande dia dizubhilu dia mundu o kuíza.
KIBATULU 8
Falamenda ja Kuboka Ku Bhanga Madivulu Phala ku Boka Nau ku Mundu Uoso
Kiebhi o kikalakalu kietu kia ku lungulula kilondekesa kuila tuala ni kikuatekesu kia Sobha? Ihi ia lungu ni madivulu metu i ku londekesa kuila o Utuminu ua Nzambi ua kidi muene?
KIBATULU 9
O Ima Ijila mu Kuboka—“Idima Iabhi Kiá, Iala Polondo Phala ku i Bhongolola
Jezú ua longo o maxibulu mê ima iiadi ia beta kota ia lungu ni kikalakalu kia dikota kia ku bhongolola mu nzumbi. Kiebhi o ima iiadi íii ia tu tokala ué etu lelu?