O Kuila Ua-nda Bhanga o Vondadi ia Jihova?
Tua kusakidila mu kukatula kithangana phala kutanga o kamukanda kaka, phala kuijiia se a nanhi o Jimbangi ja Jihova, kudilonga ia lungu ni ikalakalu ietu ni ia kilunga kietu. Tua kingila kuila o kamukanda kaka, ka tena ku kukuatekesa kuijiia kuila etu ngó, tua mu bhanga o vondadi ia Jihova lelu. Tua kusuínisa kukolokota kudilonga ia lungu ni Nzambi, kuzuela ku jindandu ni makamba mê, ihi i ua mu di longa ni kudiongeka izuua ioso kumoxi mu iônge ietu mu kilunga.
Ua-nda kuijiia kuila kioso ki uia ni kudilonga ia lungu ni Jihova, ua-nda mona dingi kiebhi muéne kia kuzolo kiavulu. Mukonda dia kiki, ua-nda di suínisa kubhanga ioso iu tena phala ku mu zola ué. (1 Nzuá 4:8-10, 19) Maji, kiebhi ki u tena kulondekesa ku muenhu uê kuila ua mesena muene kuzola Nzambi? Mukonda diahi ua tokala kubelesela o itumu ia Nzambi? Ihi ia-nda ku kuatekesa kubhanga o vondadi ia Nzambi, kumoxi n’etu? O mulongexi uê ua Bibidia, ua-nda sanguluka mu kusanga kumoxi n’eie o itambuijilu ia ibhuidisu iê, phala eie ni muiji uê mu tene ‘kukala mu henda ia Nzambi.’
Ni kisangusangu kioso, tua kuixana phala ku kolokota ku kula mu Mak’a Nzambi, mu kudilonga o divulu didi ‘Kala mu Henda ia Nzambi.’
Eye Nange Wandawabhela we o Maka Yá
IA LUNGU N’ETU
Mukonda Diahi Tua Tokala ku di Longa o Bibidia?
O Bibidia i tambuijila o ibhuidisu ia beta-o-kota iene mu di bhanga mazunda ni mazunda a athu mu ngongo? Ua mesena ué?
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
