KUMATEKA KUZWELA NI MUTHU
DISÁ 4
Lenduka
Kitumu: “Ni kulenduka kwoso, akwenu mwamona kala ala kota enu ndenge.”—Fil. 2:3.
Ihi Yabhange Phawulu
1. Tala o VIDYU, mba tanga Ikalakalu 26:2, 3. Mukusuluka xinganeka ku ibhwidisu yiyi:
-
Kyebhi Phawulu kyalenduka kyoso kyazwela ni Sobha Ngilipa?
-
Kyebhi Phawulu kya zangeleka Jihova ni Mikanda Ikola mu veji dya kudizangeleka mwene mudyê? —Tanga Ikalakalu 26:22.
Kima Kyahi Kitulonga o Phangu ya Phawulu?
2. O njimbu yetu itowala dingi kyoso kituzwela ni kulenduka ni kuxila kwoso.
Kayela Phawulu
3. Zwela ni kuxila kwoso. Aluka, kana kudilondekesa kwila wejiya dingi o akwenu kejiya kima.
4. Bhangesa athu kumona kwila yoso iwamulonga yamutunda mu Bibidya. Mu Bibidya mwala izwelu ibokona mu mixima ya athu. Kyoso kitutangela velusu ku athu, twamu akolesa o kixikanu kyâ ni kikale ni kaboko kambote.
5. Batama. Kana kujijila kudilondekesa kwila éye walungu. Etu kituzoko phala kumona nanyi walungu, nanyi wabele. Lenduka mu kutululuka, ijiya o kithangana kya kutunda. (Jisa. 17:14; Tit. 3:2) Se uvutwila kyambote o muthu, sé kufutuluka, mwene hádya nange wandaxikina kujikula o dibhitu phala kwivwa o njimbu ya Nzambi.