KUKUNDA DINGI O MUTHU
DISÁ 8
Ukala ni Mwanyu
Kitumu: “O mukwa henda, mukwa mwanyu.” —1 Ko. 13:4.
Ihi Yabhange Jezú
1. Tala o VIDYU, mba tanga Nzwá 7:3-5 ni 1 Kolindu 15:3, 4, 7. Mukusuluka xinganeka ku ibhwidisu yiyi:
Kima Kyahi Kitulonga o Phangu ya Jezú?
b. Twabhingi kukala ni mwanyu, mukonda mwala athu alaleka thembu yavulu phala kuxikina o njimbu yambote.
Kayela Jezú
3. Fikisa ndunge yengi. Se kudimatekenu muthu kamesena kudilonga o Bibidya, kana kumujijidika. Se kibhana, mulondekese jividyu mba jimbandu phala kumukwatekesa kwijiya kyebhi kikala o kudilonga o Bibidya ni mbote yebhi yandakatula mwene mu kudilonga kwê.
4. Kana kumusokesa ni muthu wengi. Kada muthu ni ukexilu wê. Se ndandu yetu mba muthu wengi twamutudila o njimbu ya Nzambi, kamesena kudilonga o Bibidya mba kaxikina o ilongesu ya Bibidya, sota kwijiya se mukonda dyahi mwene kamesena. O kwila sayi ilongesu mu ngeleja yê yamuwabhela kyavulu? O kwila mwene wala ni woma wa jindandu jê mba azukami mu dyembu? Mubhane kithangana phala kuxinganeka mu yoso iwazwela eye ni kumona o valolo ya izwelu ya Bibidya.
5. Mutumbule mu musambu. Bhinga kwa Jihova phala kukukwatekesa kukala ni kidyelelu ni henda. Bhinga unjimu ni kutetuluka phala kwijiya o kithangana kya kulembwa kusota o muthu kandale kyavulu kudilonga o Bibidya.—1Ko 9:26.
