KIBANDEKESU A
Milongi ya Bibidya Itwawabhela o Kulonga
Jezú wambe kwila woso wala ni muxima wambote, mu kwivwa o kidi wandatena tongolola kwila kiki kyene mwene o kidi. (Nzwá 10:4, 27) Mu kyenyiki, kyoso kituzwela ni athu, kitubhingi ku atangela kya ima yabhonzo yalungu ni Bibidya. Phala kulonga kima kimoxi, fikisa kwibhwidisa kiki: “Eye wejiya kwila . . . ?” mba “Eye wakivwile kya kwila . . . ?” Mu kusuluka tanga jivelusu phala kujimbulula o kidi ki wamesena o kulonga. O kulonga ngo mwene tu ima twofele, kutena kya kukuna mbutu mu muxima wa muthu, o Nzambi utena kusabhukisa o mbutu yenyiyi!—1 Ko. 3:6, 7.
O HÁDYA
-
1. O ima itwamumona o kubhita mu ngongo ni ifwa yala nayu o athu, ilondekesa kwila kwakambe ngo ima mu ngongo yandalunguluka.—Mat. 24:3, 7, 8; Luk. 21:10, 11; 2 Ti. 3:1-5.
-
2. O ixi nuka anda ku ibwika. —Jisá. 104:5; Ndo. 1:4.
-
3. Kikwanda kala dingi kuxila mu ngongo, ixi yandakala Palayizu.—Iza. 35:1, 2; Dij. 11:18.
-
4. Athu oso anda kala ni sawidi yambote.—Iza. 33:24; 35:5, 6.
-
5. Eye utena kukala ni mwenyu wakalelaku.—Jisá. 37:29; Mat. 5:5.
MWIJI
-
6. O diyala “azole o muhatu wê kala kya dizolo mwene.”—Efe. 5:33; Kol. 3:19.
-
7. O muhatu watokala kuxila munumi’ê ni muxima woso.—Efe. 5:33; Kol. 3:18.
-
8. O diyala ni muhatu atokala kukala jifiyele mudyâ.—Mal. 2:16; Mat. 19:4-6, 9; Jih. 13:4.
-
9. O ana axila anga abelesela o jitata jâ, andazediwa.—Jisa. 1:8, 9; Efe. 6:1-3.
NZAMBI
-
10. Nzambi wala ni dijina. —Jisá. 83:18; Jel. 10:10.
-
11. Nzambi watusonekena njimbu yavalolo.—2 Ti. 3:16, 17; 2 Ph. 1:20, 21
-
12. Nzambi kimukwa kathombo.—Mate. 10:17; Ika. 10:34, 35.
-
13. Nzambi wandala kutukwatekesa.—Jisá. 46:1; 145:18, 19.
MUSAMBU
-
14. Nzambi wandala kwila tusambela kwa mwene.—Jisá. 62:8; 65:2; 1 Ph. 5:7.
-
15. O Bibidya itulonga kyebhi kitwatokala o kusamba.—Mat. 6:7-13; Luk. 11:1-4.
-
16. Twatokala kusamba veji javulu.—Mat. 7:7, 8; 1 Te. 5:17.
JEZÚ
-
17. Jezú wexile mulongexi wa dikota, yoso yalongo mwene itukwatekesa hanji lelu.—Mat. 6:14, 15, 34; 7:12.
-
18. Jezú watangele kya o ima yamubhita lelu.—Mat. 24:3, 7, 8, 14; Luk. 21:10, 11.
-
19. Jezú Mon’â Nzambi.—Mat. 16:16; Nzw. 3:16; 1 Nz. 4:15.
-
20. Jezú kimwene o Nzambi Watena Yoso, kana.—Nzw. 14:28; 1 Ko. 11:3.
UTUMINU WA NZAMBI
-
21. O Utuminu wa Nzambi, unguvulu wakidi wala ku dyulu.—Dan. 2:44; 7:13, 14; Mat. 6:9, 10; Dij. 11:15.
-
22. O Utuminu wa Nzambi wandabhinganesa o jinguvulu mu ngongo.—Jisá. 2:7-9; Dan. 2:44.
-
23. O Utuminu wa Nzambi wene ngo wandatena kuzubha o maka oso mu ngongo.—Jisá. 37:10, 11; 46:9; Iza. 65:21-23.
HADI
-
24. Nzambi kimwene wamututalesa hadi.—Mate. 32:4; Tiy. 1:13.
-
25. Satanaji mwene wamutumina o mundu yú.—Luk. 4:5, 6; 1 Nz. 5:19.
-
26. Nzambi wamumona o hadi iwamutala, mwene wamesena kukukwatekesa.—Jisá. 34:17-19; Iza. 41:10, 13.
-
27. Kwakambe ngo bhofele, Nzambi wandazubha o hadi mu ngongo.—Iza. 65:17; Dij. 21:3, 4.
KUFWA
-
28. O madifundu kejiya kima; ene kamutala hadi kana.—Ndo. 9:5; Nzw. 11:11-14.
-
29. O madifundu katena kutukwatekesa mba kutubhanga kyayibha.—Jisá. 146:4; Ndo. 9:6, 10.
-
30. O madifundu andafukunuka.—Jobe 14:13-15; Nzw. 5:28, 29; Ika. 24:15.
-
31. “Kikwanda kala dingi kufwa.”—Dij. 21:3, 4; Iza. 25:8.
NGELEJA
-
32. Nzambi kawabhela jingeleja joso, kana.—Jel. 7:11; Mat. 7:13, 14, 21-23.
-
33. Nzambi wazembe o makutu.—Iza. 29:13; Mik. 3:11; Mál. 7:6-8.
-
34. O henda yakidi itungula o ngeleja yakidi.—Mik. 4:3; Nzw. 13:34, 35.