Muimbu 134
Di Xinganeke mu Palaízu
1. Xinganeka eie n’eme;
Etu oso ku mundu ua ubhe.
Kiebhi kia-nda kal’o muenhu,
Ku tunga ni ku tululuka.
Ku kondama, sé kuiibha;
Nzambi muéne ua tu kanena.
Ixi ia-nda kituka palaízu,
Tua-nda ku ximana Jihova ni kuimba:
(Kolo)
“Jihova Nzambi, ioso ia iuka!
Mu Utuminu ua Mon’ê, Jezú.
Tua ku sakidila ni muxima uoso;
Ubhezelu ua ku tokala eie ngó.”
2. Xinganeka eie n’eme;
Xinganeka, o mundu ua ubhe.
Sé ku mona, kuívua kima
Ki tu teketesa ni uôma.
Ioso ia-nda bhita muene;
Balaka iê i kala n’athu.
Ua-nda ku fukununa oso afú;
Ene a-nda kuimba uá kumoxi n’etu:
(Kolo)
“Jihova Nzambi, ioso ia iuka!
Mu Utuminu ua Mon’ê, Jezú.
Tua ku sakidila ni muxima uoso;
Ubhezelu ua ku tokala eie ngó.”
(Tanga ué Jisá. 37:10, 11; Iza. 65:17; Nzuá 5:28; 2 Phe. 3:13.)
