KYEBHI KITUTENA KUTOLOLA O UKEXILU WAKUDIZEMBA
2 | Kana Kusota Kuvutwila Phonzo
O Bibidya Yamba:
“Kanenu kuvutwila athu oso phulu mu phulu. . . . Bhangenu yoso i mwa tena, phala mu kale ku paze ni athu oso. Kanenu kuvutwila phonzo, . . . Mukonda o Mikanda Ikôla yambe: ‘“Jihova wambe, ‘o phonzo ya ngi tokala eme, éme mwene nganda ivutwila.’”—LOMA 12:17-19.
O Kiki Kilombolola Kwila:
Sumbala tukala ni njinda kyoso kyatubhanga kima kyayibha, Nzambi kamesena kwila tuvutwila phonzo ku muthu. Muveji dyakiki, mwene ututendelesa kukingila kwamwene, mukonda kwakambe ngó bhofele, mwene wandazubha o ima yoso yayibha.—Jisálamu 37:7, 10.
Ihi i Utena Kubhanga:
Kyoso o athu kyavutwila phonzo, kiki kibandekesa dingi o ukexilu wa kudizemba. Kyenyiki, se sayi muthu wakuxingi mba wakubhange kima kyayibha, kana kumuvutwila phonzo. Sota kulanga o njinda yé ni kumutambwijila mu ukexilu watululuka. Sayi ithangana, kota o kujimba o kima kyakubhange. (Jisabhu 19:11) Maji mu ithangana yamukwa, kota kuzwela o ima yabhiti. Mukifika, se akubhanga kima kyayibha kinene, eye utena kusola kutangela o maka kwa axiku dya ngoji mba ku athu engi ala ni ungana.
O kudivutwila phonzo kubhekela ngó ibhidi yavulu
Abha se umona kwila séku ukexilu wakubatula o maka ni kutululuka? Mbaphe, se wabhange kya yoso iwatena phala kubatula o maka mu ukexilu watululuka? Kana kuvutwila phonzo. Mukonda o kubhanga kiki, nange kyandabandekesa dingi o maka. Maji se udituna kuvutwila phonzo, eye wandakwatekesa phala o ukexilu wakudizemba ki udibandekese. Eye utena kudyelela mu ukexilu wa Jihova wakubatula o maka. ‘Mu dyelele mwene, abhange-bhu kyoso kya tokala.’—Jisálamu 37:3-5.
Eye Nange Wandawabhela we o Maka Yá
O BIBIDYA ILUNGULULA O MYENYU YA ATHU
Ngexile Mubhangela Okukamba Okuyuka
Rafika wadibundu ni kibuka kyakexile mubhangela o kuyuka ni kidi. Maji mwene wasange o kikanenu mu Bibidya, o kikanenu kya kutululuka ni kuyuka kwandabheka o Utuminu wa Nzambi.
O BIBIDYA ILUNGULULA O MYENYU YA ATHU
Thembu Kuxi o Henda ia Kidi Ia-nda Tolola o Unguma?
O kukatula o unguma ku muxima, kwabhonzo kyavulu. Tala kyebhi athu kiyadi Jude ni mukwa Palestina kyatena kubhanga kiki.
