Eye Wala ni Valolo Yavulu Bhupholo ya Nzambi
O ITENDELESU yabetakota tu isanga mu Bibidya, mukonda divulu dya Nzambi. Dyene ki divulu dya usakelu mu xitu, maji itena kutukwatekesa kudibhana ni ima itutandanganyesa kala, o ibanzelu yayibha, o jindolo mu mukutu ni mu kilunji jitubhekela hadi yavulu.
Kyabetakota, o Bibidya ilondekesa kwila o Mubhangi wetu, Jihova Nzambi a utendela dingi kyebhi kitwamudivwa, wejiya we o ibanzelu yetu muthu wengi ndenge. Mwene wala polondo phala kutukwatekesa mu kibhidi kyosokyoso kitudibhana nakyu. Twakudyondo, tala o jivelusu jiji ja Bibidya jituswinisa kyavulu:
“Jihova wa zukama kwa yá a toloka mixima, u bhulula oso a talamana mu nzumbi.”—JISÁLAMU 34:18.
“Eme, ngi Jihova Nzambi yé, ngi ku kwata mu lukwaku lwé lwa dilu; hé ngi ku ambela, ngixi: Ku kale ni woma, eme ngi ku banda.”—IZAYA 41:13.
Maji kyebhi Jihova kyatukwatekesa kudibhana ni uhaxi wa kikote ku muxima? Kala kiwandamona mu milongi yakayela, Jihova utulondekesa mu maukexilu avulu kwila, twala ni valolo yavulu bhupholo yê.
a Jihova o dijina dya Nzambi.—Jisálamu 83:18.
