O kwila wamesena kukatula dingi mbote mu kudilonga ubheka wé? O jindunge jakayela janda kukwatekesa kyavulu:

• Sola kididi kyambote. Sota kididi kyazele, bhwala mukengeji. Xikama bhu kibaka mba bhu kididi kyakondama.

• Sota kididi bhu wanda kala ubheka wé. Mu ithangana yavulu, Jezú wexile musamba “mu kamene,” mu ididi mweji kala “ubheka wê.” (Mál. 1:35) Se ki utena kusangakididi bhu wanda kala ubheka wé, tangela o mwiji wé mba o athu watungu nawu o ola ni kizuwa kyé kya kudilonga, phala kakulandukise.

• Dikwatenene ku yoso i wamudilonga. Se wamudilonga ni mutelembe wé, ta-u mu ukexilu ki utena ku kulandukisa. Kyoso ki uya ni kudilonga, se ulembalala kima kiwatokala kubhanga, soneka-kyu phala ku kibhanga ku pholo dya kwenda, anga suluka ni kudilonga. Se wabhwila, nyoha mu tu ithangana, anga umateka dingi lwamukwa.