Sayi bhabha kutubhonza kulembalala o ima i twadilongo. O kwila kiki kyabhiti kya neye? Se kyene, ihi itena ku kukwatekesa? Xinganeka ku ima i wadilongo.

Poxolo Phawulu wambe kiki ku jiphange Jihebelewu: “Kiki, kyene o kima kyabetakota.” (Jih. 8:1) Ni izwelu yiyi, mwene wamesenene kwila o jiphange atendela o njimbu yê. Kyene we ki watokala kubhanga. Kyoso ki uya ni kudilonga, emana bhofele, anga xinganeka ku ima i wamudilonga.

Kyoso ki uzubha kudilonga, nange utena kuxinganeka mu 10 dya ithangana o ima yabeta-kota i wadilongo. Se kwamutena kulembalala, tanga dingi o tu madyambu ni izwelu ya dyanga yala mu jikaxi. Se wadilongo kima kya ubhe, jimbulula-kyu. Kyoso ki uxinganeka ku ima yabeta-kota i wadilongo, kiwanda ijimba kana, wanda tena we o ku ikayela.