Atangi Amadivulu Metu Ebhula
Kyebhi kitutena kutendela o divulu dya Jisálamu 12:7?
O jivelusu jala kudima ni kupholo dya velusu 7, jilondekesa kwila o velusu yiyi yalungu ni athu.
O divulu dya Jisálamu 12:1-4, dyamba: “Akwa kitongola ka vulu mu’axaxi ka an’a athu.” O divulu dya Jisálamu 12:5-7 dyamba:
“Mukonda-phe dya ngadyama a mu tatesa,
Mukonda dya kukema kwa phulungu a mu bondeleka,
Ngi balumuka kyá, eme Jihova.
‘Ngi bhaka bhwa kondama a mu tobhesa kiki.’
Maka ma Jihova ma kenzuluka;
Ma soko ni phalata yòzunze bhu jiku; a i zunza lusambwadi kate yabhu o dixilu.
Eye mwéne-phe, Jihova u kondeka athu é;
Eye-mwéne wa kudila ku mwiji u kala kiki.”
O velusu 5 izwela se ihi yanda bhanga Nzambi kwa yo amwatatesa. Mwene wanda kwabhulula.
O velusu 6 yamba kwila “maka ma Jihova ma kenzuluka; ma soko ni phalata yòzunze bhu jiku.” Izwelu yiyi ilondekesa se kyebhi ki tudiwva yalungu ni maka a Jihova.—Jisá. 18:30; 119:140.
Kindala tumone o velusu yakayela, Jisálamu 12:7: “Eye-mwène-phe, Jihova u kondeka athu é; eye-mwène u a kudila ku mwiji u kala kiki.” O kizwelu “u a kudila” kilombolala ihi?
Kuma o velusu 6 izwela yalungu ni “maka ma Jihova,” sayi athu abanza kwila o izwelu yiyi ilombolola kwila Nzambi ‘ubhaka’ o maka mê. Etu twejiya kwila Jihova wabhakele o Bibidya né mwene kyoso o athu kya mesenene ku ibwika.—Iza. 40:8; 1 Ph. 1:25.
Maji kidi we kwila Jihova ulanga o mundu wê kala kyotumbule mu velusu 5. Jihova wene mulanga ni kwila wanda suluka ni kukwatekesa ni kubhulula “o jingadyama” ni yó ene “mu atatesa.”—Jobe 36:15; Jisá. 6:4; 31:1, 2; 54:7; 145:20.
Mu kiki-phe ihi, ilombolala o kizwelu “u a kudila” mu velusu 7?
Kyoso ki tutonginina kyambote o sálamu yiyi, tumona kwila o kizwelu “u a kudila” kya mu lombolola athu.
Ku dimatekenu dya Jisálamu 12, Davidi wazwela yalungu ni jiselevende ja fiyele ja Jihova a anganala ku athu ayibha. Mu velusu yakayela, Jihava wazwela kwila wanda bwika yó azwela ima yayibha. O divulu didi dituxikinisa kwila, tutena kudyelela kuma Nzambi wanda bhulula o mundu wê mukonda o maka mê a kidi.
O velusu 7 izwela kwila Jihova wanda kondeka ni kulanga yó ene mwatatesa ku athu ayibha.
O kizwelu “u a kudila” a kite mu velusu yiyi mukonda a isoneka we mu mikanda ya Hebalayiku. O kizwelu etu a kisoneka mu luyadi mu velusu mu Septuaginta. Kiki kyalungu ni yó ala jifiyele, ene mwatatesa. Kyenyiki, o velusu 7 yamba kwila ‘kala muthu’ ukala fiyele wanda ku mulanga “ku mwiji ukala kiki,” kifwa ku athu ayibha. (Jisá. 12:7, 8) O velusu 7 mu dimi dya Alamayiku a ilungulula kiki: “Eye, u NGANA, wanda kondeka o athu ayuka, wanda kwa langa ku mwiji yú wayibha kate kuhádya ni hádya.” Kiki ki tudyelelesa kwila, o maka u tusanga mu divulu dya Jisálamu 12:7 ka muzwela yalungu ni maka a Nzambi.
Mukonda dya kiki o velusu yiyi ibhana kidyelelu ku athu ala kwa Nzambi kwila, mwene wanda kwabhulula.
