Kala kyene mubhita ni athu avulu, nange eye kwene we mukubhonza kulembalala o ima i udilonga. Maji ki kitubhonzo kulembalala yatulongo Jezú, mukonda mu ithangana yavulu wexile mulonga bhukaxi ka ifika. Eye utena kuxinganeka mu ima yazwela Jezú, kiki kitukwatekesa kulembalala. Kyene we kimoxi, eye utena kulembalala o ima i wadilongo mu kuxinganeka. Kyebhi ki utena kubhanga kiki? Mu kubhanga madezenyu kyoso ki uya ni kudilonga.

O athu abhanga dezenyu kyoso kyadilonga ima ya ubhe, alembalala yoso yadilongo. O kubhanga kiki ki kya kwatekesa ngo kutendela o izwelu, maji kya akwatekesa we kutendela o ixinganeku. Ki kubhingi kukala madezenyu afwama kyavulu. O kubhanga kiki kyene mukwatekesa dingi o adyakime.

Mu kizuwa ki wanda xikama phala kudilonga, sota kubhanga madezenyu a ima i wanda dilonga. Wanda diwana mu kumona kwila, wamulembalala ima yavulu!