Kyoso ki wamudisokejeka phala kudilonga, watokala kudibhwidisa: ‘Ngamesena kudilonga ima yahi?’ Maji twabhingi kudilanga phala o ima itwamesena kudilonga ki itufidisa kutambula o milongi yamutulonga Jihova. Kyebhi kitutena kwivwa yamutulonga Jihova?

Bhinga unjimu. Bhinga kwa Jihova phala ku kukwatekesa kutendela o ima yamesena mwene kwila udilonga kindala. (Tiy. 1:5) Kana kusanguluka ni ima i wejiya kya.—Jisa. 3:​5, 6.

Ehela o kutena kwa Mak’â Nzambi kulungulula o kifwa kyé. “O mak’â Nzambi ala ni mwenyu ni kutena.” (Jih. 4:12) Kala kithangana kitutanga o mak’â Nzambi, tudilonga ima ya ubhe, ene atukwatekesa mu maukexilu avulu. Maji kiki kibhita ngo se tuxikina kwila twabhingi kudilonga yamutulonga Nzambi.

Sanguluka ni yoso yala bhu meza ya Jihova. O kudya mu nzumbi kwedi kala ‘fesa ya kudya kwambote.’ (Iza. 25:6) Kana kulenga kutanga o milongi i umona wila kiwanda iwabhela. Se ubhanga kiki wanda kwehela Nzambi ku kukitula u muthu wambote, wanda wabhela we kudilonga!