Sayi kizuwa, phange ya muhatu ku ixi ya Nova Zelândia watale vidyu mu jw.org, izwela kyebhi Jihova kyene mukwatela henda ni ku ilondekesa. (Iza. 63:​7-9) Mwene wasolo kukumbidila o ima yadilongo mu vidyu, mu kusota muthu wabhindamena kikwatekesu. Ku pholo dya kwenda mu kizuwa kyenyokyo, kyoso kyexile mu diloja, mwene wadisange ni muhatu, yu wadibhakula phala kumusumbila kama phala kudya. O muhatu waxikina. Kyoso o phange kyavutuka ni kudya, mwene wabhana umbangi kwa muhatu, bhukaxi ka kamukanda ni dyambu: O Kuila ku Hádia o Hadi Ia-nda ku Bhua?

O muhatu wamateka kudila. Mwene wambe kwila amusasele kala Mbangi ya Jihova maji waxisa o kilunga mivu yavulu kudima. Maji phe tu izuwa kudima, mwene wasambe phala Jihova kumukwatekesa kuvutuka kwa Mwene. O phang’yetu wamubhana Bibidya, o muhatu yu waxikina kudilonga. a

Tutena kukayela o phangu ya Jihova, mu kulondekesa henda ku athu oso, kala o jindandu jetu ni jiphange jetu mu kilunga. Tutena we kulondekesa o henda yetu mu kusota kithangana phala kubokela akwetu yalungu ni Jihova.