O kwila eye watange mwene kyambote o milongi yoso ya Mulangidi wa muvu yú? Se kyene, o kwila utena kutambwijila o ibhwidisu yandakayela:

Kidyelelesu kyahi kitubhana Tiyaku 5:11, mukwamba kwila Jihova “wavula o kukwatela henda,” mukwa “kulendukila”?

Twejiya kwila Jihova mukwa henda, usota kuloloka o itondalu yetu. Tiyaku 5:11 itudyelelesa kwila, ni henda yoso, Jihova wamesena kutukwatekesa. Etu twatokala kukayela o phangu yê.—w21.01, difwe 21.

Mukonda dyahi Jihova wabhangesa kwila kukala atwameni?

Mwene wabhange kiki mukonda dya henda. O kusokejeka o ima mu ukexilu yú, kubhangesa o mwiji wa abhezye afiyele kukalakala ni kutululuka, se kavwanza. O athu ku mwiji abelesela ni kuxila o ukexilu yú wasokejeka o ima, ejiya se nanyi watokala kubatula o maka ni kwendesa o ima.—w21.02, difwe 3.

Mukonda dyahi o Jikidistá atokala kudilanga mukukalakala ni jyaplikativu jakutumikisa jinjimbu?

Se muthu ujikula konda mu jyaplikativu jiji, wabhingi kusola kyambote o makamba. Kiki kibhonza dingi se o kibuka kyakuditumikisa o jinjimbu mukala athu avulu. (1 Tim. 5:13) Kwala we o kilwezu kya kumwanga jinjimbu jamakutu, mba kubhanga wenji bhukaxi ka internete ni makamba ya.—w21.03, difwe 31.

Ima yahi yabhangesa Nzambi kwehela mon’ê kutala hadi ni kufwa?

Kyadyanga, Jezú wabhingile kufwa kutaka phala kubhulula o Jijudé kukibhubhidilu. (Nga. 3:10, 13) O kyakayadi, Jihova wexile mulonga Jezú phala o kikalakalu kyê kya Mukunji Wadikota. Katatu, o ufiyele wa Jezú kate mu ufwilu wê walondekesa kwila, o athu muxitu atena kukala fiyele sumbala ni jipolova javulu jabhonzo. (Jobe 1:9-11)—w21.04, mafwe 16-17.

Ihi i utena kubhanga se kyamukubhonza kusanga o athu mu ukunji?

Eye utena kwa asota mu ithangana iwejiya kwila, ene andakala kumabhata ma. Utena kufikisa kuboka mu ididi yengi. Utena kusota kudizwelesa nawu mu maukexilu engi kala o kusoneka mikanda.—w21.05, mafwe 15-16.

Ihi yamesenene kuzwela Phawulu kyoso kyambe: “Eme ngi mufi wa Kitumu—a ngi jibha kwala o Kitumu kyene”? (Nga. 2:19)

O Kijila kya Mozé kyatungununa o kukamba kuyuka kwa athu, kwendesa o kifuxi kya Izalayele kate kwa Kidistu. (Nga. 3:19, 24) Kiki kyene kyabhangesa Phawulu kuxikina Kidistu. Mukubhanga kiki, Phawulu wakituka “mufi wa Kitumu,” kifwa, wajituka, kabhingile dingi kukikayela.—w21.06, difwe 31.

Phangu yebhi itubhana Jihova yalungu ni kukolokota?

Jihova wasolo kukolokota sumbala ni lusebhu lwabhekela ku dijina dyê, ku athu aditunu o unguvulu wê, o kubhukumuka kwa twana twê, o makutu ene muta Dyabhu, o hadi yene mutala o jiselevende jê, o kufwa kwa makamba mê afiyele, o itatesu ibhekela o athu ayibha kwa akwa ni kuzanga o ibhangelu yê.—w21.07, mafwe 9-12.

Phangu yahi yatuxila Zuze yalungu ni kukolota ni mwanyu?

Zuze wakolokota sumbala o jiphange jê amutalatalele sé kuyuka. Kiki kyabhangesa kumutatela umbangi wamakutu ni kumuta mukaleya mu mivu yavulu ku ixi ya Ijitu.—w21.08, difwe 12.

Kitungutu kyahi kyo kanene mu divulu dya Ajewu 2:6-9, 20-22?

O ifuxi kiyene mutambulula kyambote o kikalakalu kyakuboka, maji athu avulu ene muxikina o kidi. Kwa kambe ngó, o ifuxi yoso anda ku itungutisa, kyoso kyanda ku ibwikisa.—w21.09, mafwe 15-19.

Mukonda dyahi kitwatokala kubhwila mu ukunji wetu?

Jihova utala o nguzu itubhanga, mwene usanguluka. Se tukolokota se kubhwila, twandatambula o mwenyu wakalelaku.—w21.10, mafwe 25-26.

O divulu dya Ijila kibatulu 19 ditukwatekesa kyebhi kitutena kukumbidila o kitendelusu kiki: “Kikale muzela muwendelu wenu woso”? (1 Phe. 1:15)

O izwelu mu velusu yiyi yokatule mu divulu dya Ijila 19:2. O kibatulu 19 kitulondekesa maukexilu avulu akukumbidila o mukanda wa 1 Phetele 1:15, ku mwenyu wetu mu kizuwa ni kizuwa.—w21.12, mafwe 3-4.