Kayela o Phangu ya Jihova, O Nzambi wene mu tu kolokotesa
“A ximane Nzambi . . . mukwa ku tu kwatekesa mu hadi yetu yoso.”—2 KOLINDO 1:3, 4.
MIMBU: 23, 152
1. Kyebhi Jihova kya bhana kidyelelu ni kiswinisu ku athu kyoso Adá ni Eva kya bhukumukine?
JIHOVA, Nzambi u bhana o kikolokotesu. Mwene wene mu kolokotese o athu tundé ku dimatekenu kyoso o athu kya tele o kituxi. Mu kidi, tundé mu kithangana kyoso Adá ni Eva kya bhukumukina Nzambi, Mwene wa bhana kikanenu kyeji bhana kidyelelu ni kiswinisu kya lungu ni hádya ku twana twâ. O kikanenu kiki tu ki sanga mu divulu dya Dimatekenu 3:15, ya lungu ni kubwikisa Satanaji, Dyabhu ni ikalakalu yê yoso yayibha.—1 Nzwá 3:8; Dijingunwinu 12:9.
JIHOVA WA KOLOKOTESA O JISELEVENDE JÊ M’UKULU
2. Kyebhi Jihova kya kolokotesa Nowé?
2 Xinganeka kyebhi Jihova kya swinisa Nowé. O athu a tungile mu izuwa yiyi exile isweya, akwa ufusa. Nowé ni mwiji Dimatekenu 6:4, 5, 11; Juda 6) Maji Jihova wa bhana o kuswina kwa bhindamene Nowé phala kusuluka ni ku Mu bheza ni kubhanga o mbote. (Dimatekenu 6:9) Jihova wa tangela Nowé kwila weji bwika o mundu yó wayibha ni kwila weji mu tangela ya tokalele kubhanga phala kubhulula o mwiji wê. (Dimatekenu 6: 13-18) Jihova wexile mu kolokotesa Nowé.
wê, ene ngó exile mu bheza Jihova. Kiki kyeji bhangesa Nowé kuzoza. (3. Kyebhi Jihova kya swinisa Josuwé? (Tala o foto ya dyanga.)
3 Mu kubhita thembu, Jihova wa kolokotesa o selevende yê Josuwé, wa kexile ni kikalakalu kya ku kala ku pholo dya mundu wa Nzambi kate kyeji bhixila mu Ixi ya Kanana ni kutolola o ifuxi ya tungile mwenyomo. Jihova wejidile kwila Josuwé wa kexile ni ima yavulu yeji mu bhangesa ku kala ni woma, Mukonda dya kiki, Jihova wa tangela Mozé wixi: ‘Longesa-phe kyambote Josuwé, mu swinise, mu kolokotese; mukonda mwene wa-nda kutwamenena o mundu yú, ni ku u lundwisa oxi i wa-nda kukengelelyi.’ (Matendelelu 3:28) Jihova wa kolokotesa Josuwé, mwene wambe: ‘Keme mwène nga ku tumu? Kala u kindanda, u kole kyambote muxima; kana kukala ni woma, kana kukala ni kekènha; kuma Jihova, Nzambi yé, wala-nê kumoxi kwoso-kwoso ku uya.’ (Josuwé 1:1, 9) Mu dyé, kyebhi kya divu Josuwé ni izwelu yiyi?
4, 5. (a) Kyebhi Jihova kya swinisa o mundu wé mu ukulu? (b) Kyebhi Jihova kya kwatekesa Mon’ê?
4 Jihova we wa kolokotesa kibuka kya athu. Mu kifika, Jihova wejidile kwila o Jijudé eji bhindamena kikwatekesu kyoso kyexile mu Babilonya. Mwene wa a kolokotesa bhu kaxi ka kikanenu ki zwela: “Kana kukala ni woma, kuma eme ngala bhwamoxi n’eye; kana kubhuwama, mbata eme ngala ngi Nzambi yé; eme ngi ku swinisa, hé ngi ku kwatekesa, anga ngi ku fikidila ni lukwaku lwami lwa kadilu, lwa kuyuka kwami.” (Izaya 41:10) Jihova wa kolokotesa we o jikidistá ja dyanga. U tu kolokotesa we mu ukexilu umoxi.—Tanga 2 Kolindo 1:3, 4.
5 Jihova we wa kolokotesa Mon’ê. Kyoso Jezú kya mu batizala, mwene wevu dizuwy dya tundu ku dyulu: “Mwenyú Mon’ami a kazola, wa ngi wabhela kyambote.” (Matesu 3:17) Eye u tena kuxinganeka kyebhi o izwelu yiyi, ya kolokotesa Jezú mu ukunji wê?
JEZÚ WA KOLOKOTESA AKWÂ
6. Kyebhi o kifika kya ji talendu ki tu kolokotesa?
6 Jezú wa kayela o phangu ya Tate, mu ku kolokotesa akwa kukala ni kixikanu. Mwene wa bhange kiki mu kifika kya jitalendu, kyoso kyambe kwila o ngana wambela ku selevende ya mbote, ya fiyele: “Eye wa kexi fiyele mu imbamba yófele, ngi ku zangeleka ku imbamba yavulu. Bokona mu ngalasa ya ngana yé “(Matesu 3:17) O izwelu yiyi ya kolokotesa o maxibulu me kukala ni kixikanu kwa Jihova!
Jezú wa kolokotesa Phetele, mu ku suluka wa mu bhana wê o kikalakalu kya ku kolokotesa akwâ
7. Kyebhi Jezú kya kolokotesa o jipoxolo jê, benge-benge Phetele?
7 Kyoso o maxibulu kyexile mu zoka se nanyi wa betele-o-kota mudya, ithangana yoso Jezú wexile mu a kwatela mwanu. Mwene wa a kwatekesa kukala ni ukexilu wa kulenduka ni kusidivila akwa, mu veji dya kumesena kukala ni ukota. (Luka 22:24-26) Maji mu veji javulu Phetele wa lweza, wa luwalesa Jezú. (Matesu 16:21-23; 26:31-35, 75) Maji né kiki Jezú ka mono Phetele kala muthu sé valolo. Mu veji dya kiki, Jezú wa kolokotesa Phetele, wa mu bhana ujitu wa kukolokotesa akwá. —Nzwá 21:16.
KIKOLOKOTESU MU THEMBU YOKULU
8. Kyebhi sobha Ezekiya kya swinisa o atwameni a masoladi ni mundu wa Juda?
8 Ande dya Jezú kwiza mu ixi, o jiselevende ja Jihova ejidile kwila, a bhingile ku di kwatekesa mudyâ. Xinganeka mu phangu ya Ezekiya. Kyoso akwa Asidya kyay mu bhânga ni akwa Jeluzaleme, mwene wa bhongolola o atwameni a masoladi ni athu, phala ku a kolokotesa, mu ku suluka, ‘o mundu anga u tululuka kyevu o izwelu yê.’—Tanga 2 Malunda 32:6-8.
9. Ihi i tu longa o phangu ya Jobe ya lungu ni kuswinisa akwetu?
9 Tu tena we kudilonga dingi ya lungu ni kuswinisa, mu phangu ya Jobe. Sumbala mwene wa bhingile ku mu kolokotesa, mwene wa longo akwa kyebhi kya tena kubhana kikolokotesu. Jobe wa tangela o mala ayile ku mu kunda kwila, se ene a mesene ku mu swinisa, a tokalele kuzwela ima i swinisa, mu veji dya kuzwela ima i bandekesa dingi o ndolo yê. (Jobe 16:1-5) Maji ku disukilu, Jobe wa tambula kikolokotesu kwa Edihu ni Jihova.—Jobe 33:24, 25; 36:1, 11; 42:7, 10.
10, 11. (a) Mukonda dyahi o mona Jefete wa bhingile ku mu kolokotesa? (b) Lelu a nanyi a tokala ku a kolokotesa?
10 O mon’a Jefete wa bhingile we kikolokotesu. Phay’â, o mufundixi Jefete wayile mu luwa ita ni akwa Amone. Mwene wa kanena kwa Jihova kwila, se Jihova u mu kwatekesa kutolola o ita, o muthu wa dyanga weji kwiza ku mu sangesa mu kuvutuka kubhata, weji ya mu sidivila Jihova mu balaka yê. Izalayele wa tolola o ita, o muthu wa dyanga kusangesa Jefete, mon’ê umoxy-elèle. Jefete muxima wa mu kate! Maji mwene ka lunguluka kana. Wa tumikisa mon’ê phala kusidivila mu balaka ku mwenyu wê woso.—Afundixi 11:30-35.
11 Kukumbidila o kikanenu kiki kya bhonzele phala Jefete, maji kya bhonzele dingi phala mon’ê. Né kiki, mwene wexile polondo phala kumbidila o kikanenu kya tat’ê. (Afundixi 11:36, 37) Kiki kilombolola kwila mwene keji kazala mba kuvwala twana. O mwiji wê ki weji sokoloka. Mwene wa bhingile ku mu ximbakatesa ni ku mu kolokotesa kyavulu. O Bibidya yamba: “Kyenyiki anga ki xalela kífwa mwa Izalayele, mukonda ana a ahatu mivu yoso aya jinga mu dila mon’a Jefete mukwa Ngiliyade. Ku muvu ilumba yoso a mu díla mu izuwa iwana.” (Afundixi 11:39, 40) O mon’a Jefete, u tu bhangesa kuxinganeka o Jikidistá mu izuwa ya lelu a solo kukala akudi phala kubhanga dingi mu sidivisu ya Jihova. Twa tokala ku a ximana ni ku a kolokotesa.—1 Kolindo 7:32-35.
O JIPOXOLO JA KOLOKOTESA O JIPHANGE JÂ
12, 13. Kyebhi Phetele kya kolokotesa o jiphange jê?
12 Mu usuku ande dya kufwa, Jezú wa tangela poxolo Phetele: “Ximá, Ximá, ívwa kyambote: Satana wa mi bhingi mbé ni a mi lole. Mwène wa-nda ku mi bhyata mukwâ ni kidimakaji kya bhyata o tiliku mu ku i wanununa ni ibhyate. Eme-phe nga ku dyondela, Ximá phala o kuxikana kwé ki kúbhwe ni ku lémbuwe. Eye-phe, hinu ki u vutuka dingi ko kwami, kolokotesa jiphange jé.”—Luka 22:31, 32.
O mikanda ya soneka o jipoxolo, ya kolokotesa o Jikidistá ku hama ya dyanga, yene mu tu kolokotesa wê lelu (Tala o kaxi ka 12-17)
13 Phetele wa kexile bhu kaxi ka athu a kexile kupholo dya kilunga kya Jikidistá. (Ngalásya 2:9) Mwene wa swinisa o jiphange jê bhu kaxi ka ibhangelu mu Pendekoxi ni mu ithangana ya mukwa. Mu kusidivila ni ufiyele woso mu mivu yavulu, mwene wa sonekena o jiphange, wixi: “Nga mi sonekena kamukanda kofedi’aka, mukonda ngandala ku mi longesa, ni ku mi bhana umbangi kuma o kyad’iki kyene kya kidi kya Nzambi, kolokotenunu mwenyumu.” (1 Phetele 5:12) O mikanda ya soneka Phetele, ya kolokotesa o Jikidistá mu izwua yê. Yene mu kolokotesa we o Jikidistá lelu, kyoso ki tuya ni kukingila o ki kumbidilu kya ikanenu ya Jihova!—2 Phetele 3:13.
14, 15. Kyebhi o mikanda ya soneka Nzwá i tena ku tu kolokotesa?
14 Poxolo Nzwá wa kexile we bhu kaxi ka
athu a kexile kupholo dya kilunga kya Jikidistá. Mwene wa soneka Divulu di jimbulula kyambote o ukunji wa Jezú. O divulu didi, dya kolokotesa o Jikidistá mu mazunda ni mazunda a mivu, né lelu dya muya hanji ni kukolokotesa. Mu kifika, o izwelu ya Jezú kwila o henda yene o kidimbu kya Jikidistá ja kidi, tu ki sanga ngó mu divulu dya Nzwá.—Tanga Nzwá 13:34, 35.15 O milongi yala mu mikanda itatu ya soneka Nzwá, yala ni valolo ya dikota. Kyoso ki tu luwala mukonda dya itondalu yetu, tu dívwa kyambote mu kutanga kwila o sata ya Jezú i tu ‘zelesa ku ituxi yoso.’ (1 Nzwá 1:7) Se twa mu di tatela, twa-nda divwa kyambote mu kutanga kwila, “Nzambi wala kota o muxima wetu ndenge.” (1 Nzwá 3:20) Mu asoneki oso a Bibidya, Nzwá mwene ngó wa soneka kwila, “Nzambi henda” (1 Nzwá 4:8, 16) O mukanda wa kayadi ni wa katatu u ximana o Jikidistá a suluka mu “kwenda mu kidi.”—2 Nzwá 4; 3 Nzwá 3, 4.
16, 17. Kyebhi poxolo Phawlu kya swinisa o Jikidistá ja dyanga?
16 Poxolo Phawlu wexile phangu yambote mu ukexilu wa kukolokotesa o jiphange. Kyoso kyafu Jezú, ki kubhiti thembu yavulu, jipoxolo javulu exile mu Jeluzaleme. O kibuka kya Utuminu kya kexile mu Jeluzaleme. (Ikalakalu 8:14; 15:2) O Jikidistá mu Judeya a bokela athu ya lungu ni Kidistu né mwene a xikinine kya kwila, kwene Nzambi. Maji o nzumbi ikola ya tumikisa Phawlu phala kubokela akwa Ngeleku, akwa Loma, ni amukwá akexile mu bheza jinzambi javulu.—Ngalásya 2:7-9; 1 Timote 2:7.
17 Phawlu wa bhiti mu kididi lelu a kixana Turquia, ku Grecia ni ku Itália. Mwene wa bokela yó kexile Jijudé a tungile mu ididi yiyi, wa jikula ilunga. Phala o Jikidistá ja ubhe, o mwenyu wa bhonzele kyavulu. O jivizinyu ja a kexile mu a zukutisa, kyenyiki a bhingile kiswinisu. (1 Tesalonika 2:14) Ku muvu wa 50, Phawlu wa soneka mukonda wa kolokotesa o kilunga kya ubhe kiki mu mbanza ya Tesalonika. Mwene wambe: “twa mu sakidila jinga Nzambi, mukonda dya enu oso, ni ku mi bhingila mu misambu yetu. Kuma twene ku mi lembalala, sé ngó kufula, bhu pholo ya Nzambi yetu, Tat’etu, o kukalakala kwenu kwa kuxikana ni kubhika kwenu kwa henda, ni kukolokota.” (1 Tesalonika 1:2, 3) Mwene wa a tendelesa we phala n’a diswinisa mu dya, mwene wa soneka: “Di longese jingyenu mudyenu, ni kudikwatekesa, mu di sokejeke kumoxi.” 1 Tesalonika 5:11.
O KIBUKA KYA UTUMINU KI TU KOLOKOTESA
18. Kyebhi Filipe kya mu swinisa ku kibuka kya Utuminu ku hama ya dyanga?
18 Mu hama ya dyanga, Jihova wa kolokotesa o Jikidistá joso bhu kaxi ka kibuka kya utuminu ni bhu kaxi ka tufunga akexile mu kwendesa o ilunga. Kyoso Filipe kya bokela akwa Samadya ya lungu ni Kidistu, o kibuka kya Utuminu kya mu kwatekesa. Ene a tumikisa Phetele ni Nzwá, a bhangele mbandu ya kibuka kya Utuminu, a bhingi o nzumbi ikola, phala kukwatekesa o Jikidis-tá ja ubhe. (Ikalakalu 8:5, 14-17) Filipe ni jiphange ja ubhe, a divu kyambote ni ki kwatekesu kya tambula ku kibuka kya Utuminu!
19. Kyebhi kya divu o jikidistá ja dyanga, kyoso kya tange o mukanda wa tumikisa o kibuka kya utuminu?
19 Mu kusuluka o kibuka kya Utuminu kya bhingile kubatula maka a dikota. O kwila o jikidistá kexile Jijudé a bhingile ku a saya kala kya kexile mu bhanga ni Jijudé, phala kukumbidila o Kitumu kya bhanene Nzambi kwa Mozé? (Ikalakalu 15:1, 2) O kibuka kya Utuminu kya bhingi o nzumbi ikola mu musambu, a tokwesa o Mikanda Ikola, ku disukilu a mono kwila ki ku bhingile ku a saya. Mu kusuluka a soneka mukanda wa jimbulula kyebhi kya batula o maka ya, a u bhana ku jiphange phala ku u bhixidisa mu ilunga. Kyoso o Jikidistá kya tange o mukanda yú, ‘a sanguluka kyavulu, mukonda dya maka ala-mu, a a bhekela dingi ku swina.’—Ikalakalu 15:27-32.
20. (a) Kyebhi o Kibuka Kya Utuminu kyene mu tu swinisa lelu? (b) Ihi i twa-nda dilonga mu mbandu ya-nda kayela?
20 Lelu o Kibuka kya Utuminu kya Jimbangi ja Jihova, ki kolokotesa akwa Betele, o jiphange ala mu sidivisu ya thembu yoso, n’etu oso. Kala o jiphange mu hama ya dinga, etu tu sanguluka we ni kikolokotesu ki tu tambula! Phala kukolokotesa yó a xisa o kidi kuvutuka, ku muvu wa 2015, o Kibuka kya Utuminu, kya bhange o kadilu, Vutuka Kwa Jihova. Maji o kwila o jiphange ala ku pholo dya kilunga ene ngó a tokala kukolokotesa akwa, inga etu enyoso tu tena? Twa-nda di longa o maka ya mu milongi ya kayela.