Sidivila Jihova, o nzambi ya ufôlo
‘Bhwoso-phe bhu kala o nzumbi ya Jihova, bhu kala ufôlo.’—2 KOLINDO 3:17.
1, 2. (a) Mukonda dyahi o ufôlo ni ubhika ene o maka akexile mu zwela dingi o athu mu izuwa ya poxolo Phawlu? (b) Kala kyambe Phawlu, nanyi o Njila phala kusanga o ufôlo wa kidi?
O JIKIDISTÁ ja dyanga a tungile mu thembu ya Utuminu wa Loma. Mu thembu yenyoyo, o athu akexile mu di zangeleka ni itumu, ukexilu wa ku fundisa, ni ufôlo wa kexile na-u. Maji, mu Utuminu yú, mwexile abhika akexile mu bhanga o ikalakalu ya bhingile nguzu yavulu. Mu Utuminu wa Loma, mu kitatu kya athu, umoxi wexile mubhika. Sé phata, o athu mu thembu yóyo, akexile mu zwela kyavulu o maka a lungu ni ubhika ni ufôlo, kate mwene o Jikidistá.
2 O poxolo Phawlu wa soneka maka a lungu ni ufôlo mu veji javulu. Maji mwene ka mesenene kuzubha o maka a mundu, kala athu engi mu thembu yê. Mu veji dya kiki, Phawlu ni Jikidistá ja mukwa a bhange yoso phala ku boka o njimbu yambote ya lungu ni Utuminu wa Nzambi, ni kukwatekesa o athu kutendela kwila, o sata ya Jezú Kidistu yexile ni valolo ya dikota. Phawlu wa tangela o Jikidistá jamukwa yebhi o Njila ya 2 Kolindo 3:17.
ufôlo wa kidi. Mwene wa soneka ‘Jihova mwène o Nzumbi, bhwoso-phe bhu kala nzumbi ya Jihova, bhu kala ufôlo.’—3, 4. (a) Ihi ya zwela Phawlu mu 2 Kolindo 3:7, 13, ni 16? (b) Ihi i twa tokala o kubhanga phala kukala ni ufôlo u tunda kwa Jihova?
3 Mu mukanda wê wa kayadi kwa akwa Kolindo, Phawlu wa tumbula ya bhiti ni Mozé kyoso kya tuluka ku Mulundu wa Sinay, kyoso kya zubha kuzwela ni anju ya Jihova. Pholo ya Mozé ya kexile mu sédima mba mubhenya! Akwa Izalayele kya ki mono, woma wa a kwatele, kyenyiki wa futu o pholo ni dilesu mba wandanda. (Makatukilu 34:29, 30, 33; 2 Kolindo 3:7, 13) Phawlu wa jimbulula wixi: “Maji o wene a tena ku u katula-ku, kala kyambe o Mikanda Ikôla, kwila: Mozé kyoso kya lungulukila kwa Jihova, o wandanda a u katula-ku.” (2 Kolindo 3:16) Ihi ya mesenene kuzwela Phaulu?
4 Mu milongi ya tundu-mu, twa dilongo kwila Jihova, o Mubhang’ya yoso, Mwene ngó wala ni ufôlo wa tenena, wa kambe o mbambe. Kyenyiki, kyoso o Bibidya ki yamba kwila, o ufôlo u kala “bhwoso-phe bhu kala o nzumbi ya Jihova,” kidi mwene. Maji Phawlu wambe kwila phala kukala ni ufôlo yú, twa tokala kuzukama kwa Jihova. Kiki ki lombolola ku kala ni ukamba wambote ni Mwene. Mu kikangalakata, akwa Izalayele akexile mu tala ngó o ima mu kixinganeku kyâ, mu veji dya ku tala o ima kala kitala Jihova. Kiki kyedile kala dilesu dya a xiti o ixinganeku ni muxima. Ene andalele kubhanga yoso ya mesenene ni ufôlo wâ, kala o kukayela o jihânji jâ.—Jihebeleu 3:8-10.
Né mwene o muthu wala mu kaleya, utena kukala ni ufôlo
5. (a) Ufôlo webhi u tu bhana o nzumbi ikola ya Jihova? (b) Kyebhi ki tu tena kwijiya kwila o muthu né mwene se mubhika mba wala mu kaleya, u tena kukala ni ufôlo u bhana Jihova? (c) Ibhwidisu yebhi ya-nda tambwijila o milongi yiyi?
5 O ufôlo u tu bhana o nzumbi ya Jihova, ki wa difu ni ufôlo u tambula yó akexile mu ubhika. O nzumbi yiyi, i bhekela kusanguluka kwa dikota. Yene i tena ku tu jituna ku ubhika wa ituxi ni kufwa. I tu jituna wê ku ubhika wa ubhezelu wa makutu ni idifwa yê. (Loma 6:23; 8:2) Yú wene o ufôlo wa beta-o-kota! Né mwene o mubhika mba muthu wala mu kaleya, utena kukala ni ufôlo yú. (Dimatekenu 39:20-23) Phange Nancy Yuen ni Harold King, a a tele mu kaleya mu mivu yavulu mukonda dya kixikanu kyâ, maji akexile ni ufôlo yú. U tena kwa mona kuzwela ya lungu ni misoso yá mu JW Broadcasting. (IBHWIDISU NI MISOSO > IMA YETU YO BHAKE.) Mu milongi yiyi, twa-nda tambwijila ibhwidisu iyadi. Kyebhi ki tu tena kulondekesa kwila o ufôlo wetu wala ni valolo ya dikota? Kyebhi ki tu tena kulondekesa o unjimu ni ufôlo u twala na-u?
O UFÔLO U TU BHANA NZAMBI, WALA NI VALOLO YA DIKOTA
6. Kyebhi akwa Izalayele kya londekesa kukamba o kisakidilu mu ufôlo wa a bhanene Jihova?
6 Kyoso kya tu bhana kima kya valolo, tu sakidila kyavulu o muthu wa tu bhana na-kyu. Maji akwa Izalayele ka londekesa kisakidilu mu ufôlo wa a bhanene Jihova. Ki kubhitile luwa jimbeji javulu kyoso Jihova kya
a bhana o ufôlo wa kutunda ku Ijitu, ene a mateka kuxongwena o kudya ni menya a kexile na-u . Ene a xongwena o maná o kudya kwa a bhanene Jihova. Mu kusuluka a mesenene kuvutuka ku Ijitu! Phala ene, ‘o mbiji, o maxoka, jimelá, jipolo, sabhola, ni jayu,’ ja betele kota, o ufôlo wa a bhanene Jihova wa ku mu bheza ndenge. Sé phata Jihova wa luwalele kyavulu ni ene. (Dyalwilu 11:5, 6, 10; 14:3, 4) O maka ya a tu longa disá dya dikota.O kwila wa mu sola kubhanga ya mesena Jihova ni ufôlo wê, inga wa mu bhang’ê o ima i wa mesena? (Tala o kaxi 8-10)
7. Kyebhi Phawlu kya kumbidila o milongi i tu sanga mu divulu dya 2 Kolindo 6:1? Kyebhi ki tu tena kukayela o phangu yê?
7 Phawlu wa tendelesa o Jikidistá phala ka londekese kukamba o kisakidilu mu ufôlo u tu bhana Jihova bhu kaxi ka Mon’ê Jezú Kidistu. (Tanga 2 Kolindo 6:1.) Phawlu wexile mukwa ituxi, mubhika wa kituxi ni kufwa, o ubhika yú wa mu bhangesa kudivwa kyayibha. Mwene wambe dingi: “Nga sakidila-phe Nzambi, kuma say-ku kubhanduluka mwa Jezú Kidistu, Ngana yetu!” Ihi ya mu bhangesa kuzwela kiki? Phawlu wa jimbulula ku Jikidistá ni akwa: ‘Kuma o Kitumu kya nzumbi ya Nzambi kya tu bhekela mwenyu mwa Kidistu Jezú, kya ngi bhana ufôlo ku kitumu kya ituxi ni kalunga.’ (Loma 7:24, 25; 8:2) Kala Phawlu, ki tu tokala kujimba kwila Jihova wa tu bhulula ku kituxi ni kalunga. O kukula kwa bhangesa kwila, tu sidivila Nzambi mu ukexilu wa zele, kubhanga kiki ku tu sangulukisa.—Jisálamu 40:8.
8, 9. (a) Kitendelesu kyebhi kya bhana poxolo Phetele kya lungu ni kulondekesa unjimu ni ufôlo wetu? (b) Kyebhi o muthu kya tena kusola o ima mu ukexilu wayibha ni ufôlo wala na-u?
8 Ki tu tena kuzwela ngó mu kanu kwila, tu sakidila Jihova, maji twa tokala we kudilanga phala ki tu bhange ima ki i tokala ni ufôlo u twala na-u. Mu kifika, poxolo Phetele wa tu dimuna phala o ufôlo wetu ki tu u bhange divunga dya kusweka usweya mba ima yayibha (Tanga 1 Phetele 2:16.) O kitendelesu kiki ki tu lembalesa ya bhitile ni akwa Izalayele mu kikangalakata. O kitendelesu kiki kya tu tokala we etu lelu, nange etu twa ki bhindamena dingi. Satanaji ni mundu wê a londekesa ima yavulu ya xitu kala, izwatu, kudya, ima ya kunwa. Akwa kubhanga wenji a kalakala ni athu awabha o pholo phala ku tu bhangesa kubanza kwila, twa tokala kusumba ima né mwene se ki tu i bhindamena. Ki kubhonzo ku tu funyisa ku mundu yú phala kubhanga ima yayibha ni ufôlo wetu.
9 O kitendelesu kya Phetele kya tokala we mu maka a makota a mwenyu, kala o kusola se twa-nda di longa mu xikola ya katunda, salu, mba ufunu. Mu kifika o minzangala lelu, ene mu dibhana ni kibhidi kya ku a funyisa kukalakala kyavulu. Phala kubhanga kiki, a a bhangesa kuxikina kubokona mu jixikola ja katunda jala ni fuma. Athu avulu a a tangela kwila, se a dilonga mu jixikola ja katunda, a-nda sanga salu yambote, a-nda kala ni kitadi kyavulu, a-nda kwa xila we dingi. O athu ya a a bhangesa kubanza kwila, yó a dilongo mu xikola ya katunda a tena kunganyala kitadi kyavulu, o yó a bhiti mu xikola ya kaxi ndenge. Kyoso o minzangala kya di bhana ni kibhidi kya kusola o ufunu wa-nda kayela ku mwenyu wê woso, kubhanga o xikola ya katunda kumoneka kala yene o ndunge yambote phala o minzangala. Maji ihi ya tokala kulembalala o minzangala ni jitata jâ?
10. Ihi i twa tokala kulembalala kyoso ki tu sola ima ya lungu ni mwenyu wetu?
10 Kuma say ima o muthu mwene wa tokala kusola mu dyé, say athu a banza kwila, a tena kubhanga o ima kala kya mesena, sé kubanza mu ibhidi i tena kumoneka mu kima kya solo. Ene a bhingi kuxinganeka mu izwelu ya Phawlu kyoso kyambe: “O ufôlo wami phala-hi a u êlese ku kitongolwelu kya muthu wengi?” (1 Kolindo 10:29) Sumbala twala ni ufôlo wa kusola mu maka a lungu ni kubhanga o xikola ya katunda, ufunu u twa-nda di longa, twa tokala kulembalala kwila, o ufôlo wetu wala ni mbambe, ni kwila kima kyoso-kyoso ki tu sola ki tena ku tu bhekela ibhidi. Mukonda dya kiki Phawlu wambe: “Say athu a mu kwila, exi: Tu tena kubhanga kyoso ki twa-ndala. Kyawabh’ê! Maji ima yoso ki ya fwama. Tu tena kubhanga yoso i twa mesena, maji yene yoso ki ya yuka.” (1 Kolindo 10:23) Né mwene twala ni ufôlo wa kusola o ima ku mwenyu wetu, maji o ima i twa mesena kubhanga ki yene ya beta o kota.
TU LONDEKESA UNJIMU KYOSO KI TU SOLA KUSIDIVILA JIHOVA NI UFÔLO U TWALA NA-U
11. Mukonda dyahi Jihova wa tu bhana o ufôlo?
11 Kyoso Phetele kya tu tendelesa kwila, ki tu tokala kusola o ima mu ukexilu wayibha mukonda twala ni ufôlo, mwene wambe we kwila, o ukexilu wambote wa kusola, o ‘kukala abhika a Nzambi.’ Jihova wa tu jituna ku ubhika wa kituxi ni kufwa bhu kaxi ka Jezú, phala tu tene kusola ku Mu sidivila ku mwenyu wetu woso.
O ukexilu wa beta o kota wa kulondekesa unjimu ni ufôlo u twala na-u, o kusidivila Jihova ni nguzu yetu, ni kithangana kyetu
12. Phangu yebhi ya tu xila Nowé ni mwiji wê?
12 O ukexilu wa beta o kota wa kulondekesa unjimu ni ufôlo u twala na-u, o kusidivila Jihova ni nguzu yetu, ni kithangana kyetu. Kubhanga kiki kwa-nda tu langa ku mubhetu wa ku tula kupholo o ima ya mundu ni vondadi ya kubhanga o ima i twa mesena. (Ngalásya 5:16) Xinganeka ya bhangele Nowé ni mwiji wê. Ene a kexile bhu kaxi Dimatekenu 6:22) Mu kubhanga kiki, Nowé ni mwiji wé a bhuluka ku mundu yó wa yibha.—Jihebelew 11:7.
ka isweya ni akwa kubhanga ima ya jisonhi mba undumbu. Maji ene ka kayela o ima ni phangu ya athu ayibha. Ene a solo ku di kwatenena mu kikalakalu kya a bhanene Jihova, kya kutunga o alaka. Ene a tungu o alaka, a soto kudya phala ene ni ibhaku, a dimuna we o athu kwila, kweji kwiza diluvyu mba kimvula kyonene. “Nowé anga u bhanga kyenyókyo kala kyoso kya mu tumu Nzambi, kyene mwene kya kumbidila.” (13. Jihova wa tu tumu kubhanga ihi?
13 Ihi ya tu tumu kubhanga Jihova lelu? Kuma tu maxibulu a Jezú, twejiya kwila, Nzambi wa tu tumu kuboka. (Tanga Luka 4:18, 19.) Lelu, Satanaji wene mu bhangesa o kilunji kya athu avulu kukala mwa vundu phala kejiye kwila, abhika a jingeleja ja makutu, abhika a mawmvwama, ni abhika a mundu ni funza yê. (2 Kolindo 4:4) Kala kya bhangele Jezú, etu twala ni ujitu wa a kukwatekesa akwetu kwijiya ni kubheza Jihova o Nzambi ya ufôlo. (Matesu 28:19, 20) Kubokela akwetu kubhonza. Mukonda say ididi, o athu ka mesena kwijiya Nzambi, amukwá kyoso ki tu zwela na-u a kala ni njinda. Maji mu kwijiya kwila, Jihova wa tu tumu kuboka, twa tokala kudibhwidisa: ‘O kwila nga mu sola o ima ni unjimu mu kubhanga dingi mu sidivisu ya Jihova ni ufôlo wami?’
14, 15. Ihi yene mu sola kubhanga jiphange javulu bhu kaxi ka mundu wa Jihova? (Tala o foto ya dyanga.)
14 Kuma dizubhilu dya mundu yú dya zukama, avulu bhu kaxi ka mundu wa Jihova, a mu sosolola o ukexilu wa myenyu yâ phala kukala aboki a thembu yoso. Kiki, ki tu swinisa kyavulu. (1 Kolindo 9:19, 23) Say jiphange a sidivila kala aboki a thembu yoso mu dyembu mwa tungu, amukwá aya mu kwatekesa o ilunga ya bhingi dingi aboki. Tundé ku muvu wa 2012 ndu 2016, hama jiyadi ni makwinyi a tanu a midi (250.000) a bokona mu sidivisu ya thembu yoso. Lelu, kwene kya kazunda kamoxi ni hama ya midi (1.100.000) a aboki a thembu yoso. Kisangu-sangu kya dikota kwijiya kwila, jiphange javulu a mu sola kusidivila Jihova ni ufôlo wala na-u mu ukexilu yú!—Jisálamu 110:3.
15 Ihi yene mu a kwatekesa kusola kubhanga kiki? Xinganeka mu phangu ya Nzwá ni Judith, ene mu sidivila mu jixi javulu mu 30 a mivu. Ene ambe kwila, kyoso kya bhange o Xikola ya Aboki a Thembu Yoso ku muvu wa 1977, a tu swinisa kuya mu sidivila mu ididi mwala ibhindamu yavulu. Phala ku suwa o mbambe yiyi, Nzwá ni Judith a bhingile kusosolola o ukexilu wa myenyu wâ. Kyenyiki, Nzwá wa soto salu yengi. Mu kidi ene ayile mu boka mu ixi yengi. Ihi ya a kwatekesa kudibhana ni ibhidi ya lungu ni kudilonga dimi dya ubhe, ijila ya ubhe, mbambi mba kalolo ka vulu? Ene a sambe kwa
Jihova, a dyelela kwila mwene weji ku a kwatekesa. Ene a divu kyebhi mu kusidivila Jihova mu ukexilu yú mu mivu yoso yiyi? Nzwá wambe: “Ande dya kubokona mu sidivisu yiyi, nga divu kala m’ukulu nga kexile mu dibotesa o kithangana kyami. Nga zukama dingi kwa Jihova, o tata ya kazola. Lelu, Ngi tendela kyambote o divulu dya Tiyaku 4:8 dyambe: ‘Zukamenu kwa Nzambi, mwène u mi zukama enu.’ Ngejiya kwila, nga sange o kima ki nga kexile mu sota, o kuzediwa kwa kidi.”16. Kyebhi mazunda a jiphange kyene mu londekesa o unjimu ni ufôlo wala na-u?
16 Say jiphange, aboki a thembu yoso mu mivu yavulu, kala Nzwá ni Judith. Amukwá mukonda dya ibhidi aboki a thembu yoso mu mivu yofele. Kwene we jiphange javulu a dibhakula mu kikalakalu kya kutunga ididi ya ubhezelu ku jixi javulu. Mu kifika, makwinyi ayadi ni sambwadi a midi (27.000) a jiphange ayile mu kwatekesa kutunga o mbonge yetu mu sanzala ya Warwick, ku mbanza ya Nova York. Say jiphange ayi phala kukwatekesa semana imoxi, amukwá tu mbeji, amukwá muvu mba mivu. Bhu kaxi ka jiphange jenyojo, say yá, kwa bhingile kuxisa mba kusumbisa ima phala kuya mu sidivila ku Warwick. O jiphange jiji, phangu yambote ya athu ene mu sola kuximana ni kujingisa Jihova o Nzambi ya ufôlo, ni ufôlo wala na-u!
17. Mabesá ebhi u twa-nda tambula se tu sola o ima ni unjimu ni ufôlo u twala na-u?
17 Tu sakidila kyavulu o ujitu wa kwijiya Jihova, ni ufôlo wa tu bhana mukonda dya ku mu bheza. Tu londekese kwila tu bhana valolo mu ufôlo yú, bhu kaxi ka ima i tu sola. Mu veji dya kusola kubhanga ima yayibha ni ufôlo wetu, tu sole kusidivila Jihova mu sidivisu ya thembu yoso katé bhwoso bhu tu tena. Mu kubhanga kiki, twa-nda sanguluka mu kithangana kyoso o kikanenu kiki kya Jihova kya-nda dikumbidila: ‘Mukonda ni ibhangelu yoso hádya ya kà jituka ku ubhika wa kubôla, hé ya kà bokona mu ufôlo wa fuma, wa an’a Nzambi.’—Loma 8:21.