Tu di Swinisyenu Mudyetu, “Kota-kota Dingi kyoso ki tu Mona o kizuwa Kya Jihova kí Zukama”
“Tu di Xinganekyenu Mudyetu . . . tu di swinisyenu mudyetu, kota-kota dingi kyoso ki mu mona o kizuwa kya Jihova kí zukama.”—JIHEBELEU 10:24, 25.
1. Mukonda dyahi poxolo Phawlu wa tendelesa o Jikidistá ja dyanga akwa Jihebelew ku di swinisa mu dyâ, ‘kota kota dingi kyeji mona o kizuwa kya Jihova kí zukama’?
KU HAMA ya dyanga o poxolo Phawlu wa tendelesa akwa ji Hebelew: “Tu di xinganekyenu mudyetu, tu di swinise mu ku dizola, ni kubhanga o mbote, kana kufula ku di bhongolola jinga, wila amoxi ki ene kufula, maji tu di longesa mudyetu. Wila kiki, tu di swinisyenu mudyetu, kota-kota dingi kyoso ki mu mona o Kizuwa kya Ngana kí zukama.” (Jihebelew 10:24, 25) Nange o jiphange a dibhwidisa se mukonda dyahi poxolo Phawlu wa a tendelesa phala kudiswinisa mudya. Mu kubhita mivu itanu o jiphange a tendela o izwelu ya Phawlu. Ene a mono kwila o kizuwa kya Jihova kya kufundisa Jeluzaleme kya zukamene. Ene a mono we kwila, a bhingile kutunda mu mbanza ni kulenga kala kya tangele Jezú. (Luka 21:20-22; Ikalakalu 2:19, 20) O kizuwa kya Jihova kyeza ku muvu wa makwinyi a sambwadi, kyoso akwa Loma kya bwika Jeluzaleme.
2. Mukonda dyahi twa tokala kuxinganeka dingi mu maka a lungu ni ku di swinisa lelu?
2 Lelu we kyene kimoxi. O kizuwa kya Jihova “kyonéne, ki bheka wôma” kya zukama. (Jowele 2:11) O izwelu ya polofeta Sofoniya ya tokala we phala etu: Kuma “kizuwa kyonéne kya Jihova kya zukama; ku kizwelu kyê, kya-nda kwiza mwene lusolo, ki ki kokoloka!” (Sofoniya 1:14) Mukonda dya kiki, tu di xinganekyenu mudyetu, tu di swinise mu ku dizola, ni kubhanga o mbote.” (Jihebelew 10:24) Twa bhingi kudibhana dingi kyambote ni jiphange jetu, phala ku a kwatekesa kyoso kya bhindama.
A NANYI ABHINGI KU A SWINISA?
3. Ihi ya zwela poxolo Phawlu ya lungu ni kuswinisa? (Tala o foto ya dyanga.)
3 ‘O kubhindama kwa muxima, kwene mu bhelesa o muthu; maji mbimbi yambote, i mu sangulukisa’ (Jisabhu 12:25) Say bhabha etu enyoso twa bhindamena ku tu swinisa. Phawlu wa zwela kwila, katé mwene yó ala ni kikalakalu kya kuswinisa akwa, a bhindamena we kiswinisu. Mwene wa sonekena o jiphange ku Loma kwila: ‘Kuma nga m’indi kyavulu ku mi mona, mbé bhu kale we ni mbote i mu tambula ko-kwami, ya mabesá ma nzumbi, phala mu swine; kifwa nga mesena kuzwela kwila etu enyoso—ni enu ni eme,—tu di konda malamba mu ku d’ijiya mudyetu o kuxikana kwetu, ni twidi enu mu swina ki mu sanga dingi nguzu mu kuxikana kwenu ku mwala na-ku.” (Loma 1:11, 12) Say ithangana o poxolo Phawlu wa bhindamene we kiswinisu. —Tanga Loma 15:30-32.
4, 5. A nanyi a bhingi ku a kolokotesa lelu, ni mukonda dyahi?
4 Mu lelwidi tu tena kuswinisa yó ala mu sidivisu ya thembu yoso, kala aboki a fiyele. Avulu mudya eha o ima ya wabhela ku mwenyu, phala kukala mu sidivisu ya thembu yoso. Kiki kya difu we ni akunji a jixi jengi ni, akwa Betele, tufunga twa ilunga ni ahatwâ, ni oso a sidivila mu ididi ya kulungulula madivulu. Ene oso a xisa ima kudima, phala kusidivila Jihova. Twa tokala ku a swinisa. Kwala we yó a mesena kukala mu sidivisu ya thembu yoso, maji ka-tena. Kyoso kya tambula kiswinisu a sanguluka kyavulu.
5 A nanyi dingi a tokala ku a swinisa? Tu tena kuswinisa jiphange javulu ja mala ni ja ahatu a solo kukala akudi mukonda a mesena kubelesela Jihova ni kukazala ngó mwa Ngana.” (1 Kolindo 7:39) O anumi a tena kuswinisa o ahatwâ mu ku a ximana ni ku a londekesa o henda. (Jisabhu 31:28, 31) O jiphange a bhita mu izukutisu ni mawuhaxi, a bhindamena we kiswinisu. (2 Tesalonika 1:3-5) Jihova ni Jezú a ximbakatesa oso a londekesa ufiyele.—Tanga 2 Tesalonika 2:16, 17.
O TUFUNGA A TENA KU TU KOLOKOTESA
6. Ihi i twa di longo ya lungu ni kikalakalu kya tufunga, ki tu sanga mu divulu dya Izaya 32:1, 2?
6 Tanga Izaia 32:1, 2. Lelu twala mu jithembu ja bhonzo ji tena ku tu zozesa ni ku tu luwalesa. Jezú Kidistu u tu kolokotesa bhu kaxi ka jiphange jê a a undu, ni “ilamba” ya fiyele ya tokala ku jimbudi ja mukwa, kifwa o tufunga mu ilunga. Ki kwila ala ni “ukota” wa kutumina, maji ala “akwatekexi” a ngalasa yenu. Ene a mesena ku tu kwatekesa ku kala ni kusanguluka, ni kukala fiyele.—2 Kolindo 1:24.
7, 8. Kyebhi o tufunga kya kolokotesa akwá mu izwelu ni mu ima ya bhanga?
7 O tufunga a tena kukayela o phangu ya poxolo Phawlu, mwene wa kwatekesa o jiphange jê mu veji javulu. Mwene wa sonekena o jikidistá akwa Tesalonika a kexile mu a zukutisa: “Ni etu we kyene, mukonda etu twa mi kwatela vondadi yavulu, twendile tu mi bhana kana ngó o njimbu Yambote ya Nzambi, maji ni myenyu etu-èlele yene. Mukonda twa mi zola kyavulu.”—8 O tufunga a tena kukolokotesa kyavulu mu ima ya zwela. Maji o kwila yene ngó ya tokala kubhanga kwabhu? Phawlu wa tendelesa o tufunga twa Efezo: “Endenu ni kuxinganeka o kizwelu kya Ngana Jezú, ki edile wixi: O kubhana kota mu kuzediwisa, o kutambula ndenge.’ (Ikalakalu 20:35) Phawlu wexile polondo yu ‘wa di bhakula mu kusota’ o jiphange jê. Mwene wa londekesa kwila wexile polondo phala kubhanga yoso ya tena phala o jiphange jê bhu kaxi ka ibhangelu yê. (2 Kolindo 12:15) Lelu we kyene kimoxi, o tufunga a tokala kuswinisa ni kuximbakatesa akwá, ki mu izwelu ngó maji ni mu ibhangelu. Kiki kilondekesa kwila ene a tu langa mwene.—1 Kolindo 14:3.
9. Kyebhi o tufunga kyene mu bhana itendelesu mu ukexilu u swinisa?
9 Phala kuswinisa o jiphange, say ithangana o tufunga a bhinga kubhana itendelesu. O tufunga a tena kudilonga mu Bibidya, kyebhi kya tena kubhanga kiki mu ukexilu u swinisa. Kyoso Jezú kyafu ya a mu fukununa, wa xisa phangu yambote ya kubazela, kyoso kya tumikisa o jinjimbu mu ilunga ku Azya Menor. Mwene wa bazela o ilunga ya Efezo, Pelengamo, ni Tiyatila. Maji, ande dya ku a tendelesa, mwene wa a sakidila hanji mu ima yoso ya kexile mu bhanga. (Dijingunwinu 2:1-5, 12, 13, 18, 19) Jezú wambela o kilunga kya Lawdiseya: “Oso u nga zola, ng’a bazela ng’a tendelesa. Phaphumuka-phe, u dyele o ituxi yé.” (Dijingunwinu 3:19) Tufunga twetu a kayela o phangu ya Kidistu, mu ukexilu wê wa kubhana o itendelesu.
O KWILA O TUFUNGA ENE NGÓ A TOKALA KUKOLOKETESA AKWA?
10. Kyebhi etu ene oso tu tena ku di swinisa mudyetu?
10 Ko tufunga ngó a tokala kukolokotesa akwa. Phawlu wa tendelesa Jikidistá joso kwila, “o kuzwela kwenu kukale kwa kukwatekesa akwenu kukula mu kuxikana ni a mone kyoso kya bhindamena, phala kuzwela kwenu ku bhange mbote kwa” akwenu. (Efezo 4:29) Kala muthu mudyetu, wa tokala kuxinganeka o ibhindamu ya akwa, phala kumona kyebhi ki tu tena ku a kwatekesa. Phawlu wa sonekena o Jikidistá akwa Jihebelew, wixi: “zangulenu maku menu ma botomoka, mu swinise we o inama yenu ya bhwila. Endenu mu jinjila ja kuyuka, phala o kinama kya haxi ki ki sokomoke, inda-xi, k’iluke.” (Jihebelew 12:12, 13) Etu ene oso tu tena ku di kolokotesa ni kudiswinisa mudyetu mu ima i tu zwela né mwene se tu minzangala.
Jitata, o kwila mwa mu longa o twana twenu kukwatesa akwá? (Tala o kaxi 10)
11. Ihi ya kwatekesa Marthe kyoso kya kexile mu dívwa ubheka ni kikote?
11 Phange ya muhatu a mwixana Marthe, mu kithangana wexile ni kikote ku muxima. * (Tala ku lwiji.) Mwene wa soneka: “Say kizuwa Nga bhingi kikolokotesu mu musambu, eme nga disange ni mwadyakime wa muhatu, wa ngi londekesa o henda i nga mesenene mu kithangana kyenyókyo. Mwene wa ngi tangela we o ibhidi ya kexile mu dibhana na-yu, kyenyiki, ki Nga divu dingi ubheka.” Mwadyakime mwenyó, nange kejidile kyebhi o izwelu yê ya kwatekesa Mar-the!
12, 13. Kyebhi ki tu tena kukayela o kitendelesu ki tu sanga mu divulu dya Filipe 2:1-4?
12 Phawlu wa sonekena o Jikidistá ku Filipe, wixi: ‘Wila kiki, mwa Kidistu se mwala o kulunga, se mwala kutululuka kwa henda, se mwala ukamba wa nzumbi se mwala jihânji ni jihenda, ndokwenu mu ngi tenesene o ngalasa yami mu kukala ni ilunji ya sokelela, mu kale ni mwenyu umoxi, ni muxima umoxi. Ki mu bhange kima ni masunga a kusota ngó mbote yenu, mba izala ya ku mi ximana. Maji ni kubatâma, kala muthu a kite mukwâ kota dyê; Kana ku di fika kwila mwa beta kuyuka o akwenu ndenge ki bhu kale we muthu a xinganeke ngó ima yê-mwène, maji enu oso mu xinganeka we ima ya akwenu.’—Filipe 2:1-4.
13 Etu enyoso twa tokala kusota ndunge phala kukwatekesa akwetu. Phala kuswinisa o jiphange jetu, twa tokala ku a “ximbakatesa,” kukala “dikamba mu kilunga” ni ku a “kwatela henda,” ni muxima woso.
JINDUNGE PHALA KUSWINISA
14. Tumbula ukexilu umoxi u tu tena kuswinisa na-u akwetu?
14 Ki sangulukisa kyavulu kwijiya kwila, o muthu u twa kwatekesa wa suluka mu ufiyele. Poxolo Nzwá wa soneka: “Kana kima ki kala kota mu ku ngi bhekela kusanguluka, ki kale ngó kyenyiki, o kuývwa an’ami kuma
ala kwenda mu kidi.” (3 Nzwá 4) Aboki a thembu yoso a sanguluka kyavulu, kyoso kya longa muthu, mu kubhita jimbeji mba mivu a disanga, mwene wa suluka hânji mu ufiyele wê, nange muboki wa thembu yoso wê kyá. Kyenyiki, se o aboki a thembu yoso a luwala bhofele, twa tokala kwa lembalesa yoso ya bhange phala kukwatekesa akwa.15. Ihi i tu tena kubhanga phala kuswinisa o jiphange a mu kalakala mu sidivisu ya thembu yoso?
15 Say tufunga twa ilunga twambe kwila, ene ni ahatwâ a divwa kyambote kyoso kya tambula kamukanda kala ni izwelu ya kiximanu mba kisakidilu, kyoso kya zubha kukunda o kilunga. Kyene kimoxi wê ni tufunga, akunji a jixi jengi, aboki a thembu yoso, akwa Betele ni oso a sidivila Jihova ni ufiyele woso. Mu kulondekesa o kisakidilu kyetu, twa mwa swinisa kyavulu.
ETWENOSO TU TENA KUSWINISA AKWETU. KYEBHI?
16. Ima yebhi yofele i kwatekesa kuswinisa muthu?
16 Ihi i u tena kubhanga se kya mu kubhonza kutangela akwenu kyebhi ki u dívwa, ya lungu ni ene? Lelu, ki kubhonzo kuswinisa akwenu. Fikisa kwolela ni muthu. Se mwene kolela wê, ki londekesa kwila, say tu maka, ni kwila mwene wa bhingi kuzwela ni muthu. U tena ku mu ximbakatesa, se u katula kithangana phala kumwivwa ngó.—Tiyaku 1:19.
17. Ihi ya kolokotesa munzangala, kyoso o jindandu jê kya a kaye mu kilunga?
17 Say phange a mwixana Henri, wa luwalele kyavulu, wa divwile kyaybha kyoso o jindandu jê kya xisa Jihova. Ku jindandu jiji, umoxi ta’tê, wexile kafunga. O kafunga ka ilunga, wa mono kwila Henri wa luwalele, Marku 10:29, 30, ya mu kolokotesa kyavulu.
yu wa mwambata phala kutambula kafwe. Mwene wevu kyambote, kyoso Henri kya mu tangela kyebhi kya kexile mu divwa. Kya zubha o kuzwela ni kafunga ka ilunga, Henri wa mono kwila, phala kukwatekesa o jindandu jê kuvutuka kwa Jihova, mwene wa bhingile kusuluka mu ufiyele wê. O izwelu mu madivulu a Jisalamu 46, Sofoniya 3:17, niEtu enoso tu tena ku di kolokotesa ni ku di swinisa mu dyetu (Tala o kaxi 18)
18. (a) Ihi ya soneka Sobha Solomá ya lungu ni kuswinisa? (b) Ndunge yebhi ya bhana poxolo Phawlu?
18 Ihi i tu tena kudilonga ku musoso wa Marthe ni Henri? Kala muthu mu dyetu u tena kukonda o malamba ni kuswinisa phange ya dyala mba ya muhatu wa bhindamena kiswinisu. Sobha Solomá wa soneka: “O kizwelu kyene mu towala bhu thembu yê! Kima kya tetuluka ku mesu, ki tanesa muxima; o fuma se ya wabha, ni ifuba ineta.” (Jisabhu 15:23, 30.) O kwila u tena kuswinisa muthu u wejiya kwila wa zoza mba wa luwala? O kwila u tena kubhanga kima né mwene se kyofele kala o kutanga-nê milongi mu Mulangidi mba mu kijimbwete kyetu? Phawlu wa longo we kwila, kwimba kumoxi o mimbu ya Utuminu, ku tu bhangesa kudivwa kyambote. Mwene wa soneka: ‘Mu kala mu ku di longa mudyenu, ni ku di bhana phangu ni unjimu woso. Mwimba jinga mu jisalamu, ni mikumbi, ni mimbu yoso ya nzumbi. Mwimbila jinga Jihova ni muxima wezala kisakidilu.’ —Kolose 3:16; Ikalakalu 16:25.
19. Mukonda dyahi kuswinisa kima kya beta-o-kota? Ihi i twa tokala o kubhanga?
19 Twa bhingi kudiswinisa dingi mu dyetu lelu, mukonda o kizuwa kya Jihova kya zukama. (Jihebelew 10:25) Se tu kayela o kitendelesu kya bhanene Phawlu twa-nda sanguluka: “Di longese jingyenu mudyenu, ni kudikwatekesa, mu di sokejeke kumoxi, kala ki mwene kubhanga jinga kyá katé kindala.”—1 Tesalonika 5:11.
^ kax. 11 O majina o lungulule.