O kwila utena kutambwijila o ibhwidisu yiyi yamoneka Mu Milangidi ya 2019?

Nzambi wa tu kanena kwila: “Falamenda yoso-yoso yòbhange phala ku ku kwama, ya-nda kulweza.” O kikanenu kiki kilombola ihi? (Iza. 54:17)

Tu tena kudyelela kwila, Nzambi wanda tu langa ku “muha wa isweya mukwâ ni kibhungu.” (Iza. 25:4, 5) O jinguma jetu kanda di tunda kyambote mu nguzu yâ ya ku tu fidisa.—w19.01, mafwe 6-7.

Kyebhi o ukexilu wa Nzambi wa kudibhana ni akwa Kanana ni akwa Izalayele a bhukumukine, wa londekesa o kuyuka kwê?

Nzambi wa fundisa oso exile mu bhanga o ufusa ni kubhanga kyayibha ku ahatu ni ku anandenge. Mwene wa besowala oso exile mu belesela ni yó exile mu talatala akwá ni kuyuka.—w19.02. mafwe 22-23.

Ihi i twa tokala kubhanga se twala mu kididi, anga abhanga musambu, maji o wa mu samba ki Mbangi ya Jihova?

Tu tena kudixibha ni kuxila kwoso, maji ki tu tokala kuzwela “kyene,” mba kudikwata bhu maku kumoxi ni athu amukwá a mu samba. Tu tena kubhanga musambu wetu ku muxima.—w19.03, difwe 31.

Mukonda dyahi o kuzangata anandenge kituxi kya dikota?

O kuzangata anandenge kituxi kwa yó amu zangata, kituxi ku kilunga, kituxi ku jinguvulu kituxi kwa Nzambi. Se jinguvulu amba kwila o athu a tokala kuxitala kyoso kyevwa maka a lungu ni kuzangata anandenge, o tufunga a kibhanga ni lusolo lwoso.—w19.05, mafwe 9-10.

Kyebhi ki tu tena kubhilula o kilunji ni muxima wetu moxi?

O ima i twa tokala kubhanga, yenyiyi: Kuzwela ni Jihova mu musambu. Sota kuxinganeka ni disukilu dya kutonginina o ukexilu wé. Sola ni unjimu o makamba-mê.—w19.06, difwe 11.

Kyebhi ki tu tena kudipelepalala kindala phala o izukutisu?

Twa tokala kubandekesa o ukamba wetu ni Jihova. Dyelela kwila, Jihova wa kuzolo, ka-nda kuxisa lémbwa. Twa tokala we kutanga o Bibidya ni kusamba izuwa yoso. Dyelela kwila o mabesá a Utuminu wa Nzambi anda di kumbidila ni kidi kyoso. Bhaka mu kilunji kyê o jivelusu ja Bibidya ji wa wabhela dingi ni mimbu.—w19.07, mafwe 2-4.

Ihi i tu tena kubhanga phala kukwatekesa o jindandu jetu kubhuluka?

Sota kutendela kyambote kyebhi kya divwa, bhana phangu bhu kaxi ka wendelu wambote, kala ni mwanyu, zwela ni kilendu.—w19.08, difwe 15-17.

Kala kya kanena Jezú mu divulu dya Matesu 11:28, ene mu tu nyohesa kyebhi?

Etu twala ni tufunga twa henda, makamba ambote ni kikalakalu kya beta-kota.—w19.09, mafwe 20-23.

Kyebhi Jihova kya tena ku tu bhana o hanji ni kutena phala kukalakala? (Fil. 2:13)

Kyoso ki tu tanga o Mak’â Nzambi anga tu xinganeka mu ima i twa tange, Nzambi utena ku tu bhana o hanji ya kubhanga o vondadi yê ni kutena phala kukalakala. Mwene utena ku tu bhana o nzumbi yê ikôla phala kubandekesa o mawuhete metu.—w19.10, difwe 21.

Ima yahi i twa tokala kubhanga ande dya kusola kima?

Twa tokala kubhanga ima itanu. Yenyiyi: Tokwesa kyambote, bhinga kwijiya bhu kaxi ka musambu, dibhwidise se ihi ya mu ku bhangesa kubhanga kiki, sota kwijiya yoso i wa mesena, sola ngó o ima i u tena kubhanga ni nguzu yé.—w19.11, mafwe 27-29.

O kwila Satanaji wa londekesa o ulongelu wa nzumbi ki ifu mu kithangana kya zwela ni Eva mu Edene?

Nange kana. Satanaji wambela Eva kwila, mu kidi ki wanda fwa. Kambe kwila weji ya kididi kyengi. Nowé ni mwiji we, ene ngó a bhuluka ku Diluvyu. Ene exile abhezi a kidi. Kyenyiki-phe, ki kwexile muthu weji longa ima ya makutu. Mu kiki, tu tena kuzwela kwila, o milongi ya makutu ya kwila o muthu wala ni nzumbi i tunda kyoso o mukutu ki ufwa, ya moneka ngó kyoso kya bhiti o Diluvyu, kyoso Nzambi kya lungulula o madimi a athu mu mbanza ya Babele.—w19.12, difwe 15.