MINZANGALA ayadi yahatu exile mukwenda kumoxi mu ikoka Mumbanza ya Baguio, mu ixi ya Filipina. Ene amono okadikalu ketu kamadivulu, maji kazukamaku. Phange Helen wemanene kumbandu yakadikalu, wexile mukwolela. O ahatu ayadi yâ asuluka ni njila yâ, maji awabhela kyavulu okwolela kwa phange Helen.

Mukusuluka kyoso o ahatu ayadi kyexile kuya kubhata, akwata maximba, ya amono okijimbwete kya jw.org mu Kididi kya Ubhezelu. Mukithangana kyokyo ene alembalala kwila amwene kyá okijimbwete kyokyo mukamene mukadikalu kamadivulu. Kiyadi kya atundu mba atuluka mumaximba atonginina oprograma yayonge yotule kudibhitu kya Kididi kya Ubhezelu.

Musemana yakayela ohatu ayadi ya ayi mukyonge. Nanyi amusangi kyoso kyayi mu Kididi kya Ubhezelu? Asangeku Phange Helen! Ene atongina kwila mwene amumwene wexile mukwolela kumbandu akadikalu. Phange Helen wambe: “Kyoso ene kyeza kuzwela n’eme ngatandanganyele bhofele. Ngaxinganeka okwila ngabhange kima kyayibha?” Maji ohatu ayadi amutangela kwila amumwene musemana yatundumu mukamene mukadikalu kamadivulu.

Ominzangala yiyi awabhela okyonge, wabhela we kukala ni jiphange; Ene adivu kala exile kubhata. Kyoso kyamono akwâ amuxixila okididi kya Ubhezelu kudisukilu dya kyonge, ene abhingi phala kukwatekesa we. Ku ahatu ayadi yâ umoxi kala dingi ku ixi ya Filipina, maji omuhatu wamukwa wamusuluka ni kuya mukyonge yu wamateka kyá kudilonga o Bibidya—yoso yiyi yabhiti mukonda dya kwolela!